![](http://kyzmet-gazeti.kz/wp-content/uploads/b4699105-1bf5-4834-ab4f-dd62d70ca9c4.jpg)
Бүгінде кітап оқу үшін барлық жағдай жасалған. Шымкент қаласындағы кітапханалардың барлығы дерлік қайта жаңғыртудан өтіп, бүгінде заманауи кейіпке енген. Оқырман үшін барлық жағдай жасалған. Егер кітапханаға баруға уақытыңыз аздық етсе, электронды кітаптарды оқудың да жағдайы қарастырылды. Тұрғындардың қоғамдық көлік күтетін уақытын пайдалы ету мақсатында жуырда ғана Шымкент қаласының автобус ең көп қатынайтын жол бойындағы аялдамаларына «Мобильді QR-кітапхана» орнатылды.
Жалпы цифрландыру – Қазақстанның озық ел атану жолындағы мақсаты емес, құралы. Мемлекет басшысы цифрландырудың маңызын осылай түсіндірген болатын. Олай болса, қоғамның барлық саласын цифрландыру бүгінде маңызды міндеттердің бірінен саналады. Енді руханияттың қазығына айналған кітапханаларды цифрландыруға да басымдық беріле бастады. Оның бір мысалы ретінде аялдамаларға орнатылған Мобильді QR-кітапхананы айтуға болады. Енді мобильді смарт кітапхана туралы ақпарат бере кетейік.
Электронды кітаптың оқырманның пайдалануына ыңғайлы түрінің бірі осы«мобильді смарт кітапхана». Бұл қосымшаны смартфонға оңай жүктеп алуға болады. Кітап оқығыңыз келсе, қалта телефонындағы Play Маркеттен «QR-код» қосымшасын жүктеп аласыз да, қалаған немесе керекті деген кітабыңызды оқи бересіз. Жоғарыда айтқанымыздай тіпті аялдама көлік күтіп тұрып та осы қызметті тұтынуға болады . Жаңа және тез өзгеріп отыратын мобильді технологиядан қалмай қатар жүруге, және барлық жастағы оқырмандардың кітапхана қызметін пайдалануына жағдай туғызатын мұндай жаңашылдықтар кітапханаларда оқырмандарға қосымша ақпарат ұсынудың да тиімді әдістерінің бір десек, қателеспейміз.
«Мобильді QR-кітапхана» шарасы барысында кітапты қалай пайдалану туралы түсініктеме ғана беріліп қойған жоқ, оқырмандармен викториналық ойындар ойнатылып, олардың пікірін ортаға салуына да жағдай жасалды. Бүгінгі таңдағы кітап оқу мәселелелері бойынша ой-бөлісіп, пікрі аламасылды. Сондай-ақ әдеби викторинаұйымдастырылып, жеңімпаздарға естелік сыйлықтар тапсырылды.
Қызмет ақпарат
1786 символ
Больше историй
Әлеуметтанушылар Қазақстанда АЭС құрылысы бойынша сауалнама нәтижелерін ұсынды
СТРОИТЕЛЬСТВО АЭС ДАСТ ИМПУЛЬС РАЗВИТИЮ БИЗНЕСА — РАИМБЕК БАТАЛОВ
САУАЛНАМА ҚАНША АДАМНЫҢ АЭС САЛУДЫ ҚОЛДАЙТЫНЫН КӨРСЕТТІ