QyzmetAqparat
Наурыз айында «Болашақ» корпоративтік қоры Нұр-Сұлтан және Алматы қалаларында Disney студиясының «Алға» анимациялық фильмінің алдын-ала көрсетілімін өткізеді. Бұл фильмде ескі аңыздарда айтылған нағыз сиқырды тауып алмақшы болған екі ағайынды эльфтердің шытырман оқиғаға толы сапары туралы сруеттеледі.
Бұл «Болашақ» көмегімен қазақ тілінде дыбысталып, отандық кинопрокатқа шығатын 34-ші фильм. Айта кетейік, Голливудтық киностудиялардың фильмдері «Болашақ» корпоративтік қоры мен «Меломан» компаниясының бастамасымен қазақ тіліне дыбысталады. Жоба серіктестері: KINOPARK кинотеатрлар желісі, ivi онлайн кинотеатры. Фильм дубляжының демеушісі – BI Group компаниясы.
Нұр-Сұлтан қаласындағы алдын-ала көрсетілім «Nur Otan» партиясының қолдауымен, ал Алматыда қала әкімдігінің қолдауымен өткізіледі. Іс-шараға «Болашақ» корпоративтік қорының Қамқоршылық кеңесінің құрметті мүшесі, «Nur Otan» партиясы Төрағасының бірінші орынбасары – Бауыржан Байбек, BI Group компаниясының өкілдері, шығармашылық зиялы қауым өкілдері, блогерлер, медиа-тұлғалар, «Болашақ» қауымдастығының мүшелері және басқалар қатысады.
Нұр-Сұлтан қаласындағы көрсетілім Достық көшесі, 9 мекен-жайы бойынша Keruen СОО, Kinopark 7 IMAX, №5 залында, Алматы қаласындағы көрсетілім Әл-Фараби даңғылы, 77/8 мекен-жайы бойынша «Esentai mall» СОО, Kinopark 11 Esentai IMAX №6 залында өткізіледі. Іс-шараның басталу уақыты 18:30.
Ал, Шымкенттегі көрсетілім 5-наурыздан бастап Cinemax (Shymkent Plaza) Dolby Atmos және Kinopark 5 кинотеатрларында көрсетіледі.
Дереккөз: 7kun.kz
