Ашық сабақ

Қазақстан Республикасының Білім және Ғылым министрлігі. «Қазығұрт» №66 жалпы орта мектебі

Ашық сабақ

Тақырыбы: «Сырмақты әшекейлеу»Технология пәні мұғалімі: Қияшова А.

Шымкент қаласы -2012ж. 7 ^«В» — сынып

І. Сабақтың тақырыбы: «Сырмақтың тігісін әшекейлеу»

ІІ. Сабақтың мақсаты: Оқушыларға сырмақтың тігісін әшекейлеуді жәнеқол тігістері жайында түсінік беру, тігін тігудің әдістерін үйрету.

ІІІ. Сабақтың біліктілігі: Оқушылраға сырмақ туралы мағлұмат беру қолдану әдістері мен жасалу жолын және әшекейлеп тігу жолдарын үйрету.

ІV. Сабақтың дамытушылығы:Ұлттық қолөнерге қызығушылықтарын арттыру, ісмерлік өнерге баулу, қол икемділіктерін және ой-өрісін дамыту.

V. Сабақтың тәрбиелілігі: Сырмақ тігісін әшекейлеу барысында қыздарды өз беттерімен жұмыс істеуге, халық қолөнерін бағалауға, ұқыптылыққа, тазалыққа тәрбиелеу.

VІ. Сабақтың көрнекілігі: Ою-өрнектердің түрлері салынған буклеттер сырмақ эскизі салынған плакаттар, тігіс түрлері жазылған плакат және нұсқау картасы, трек сызбалар.

VІІ. Сабақтың жабдығы: Ине, түрлі-түсті жіптер, тесмалар, қайшы, оймақ, ою-өрнек лекалалары.

VІІІ. Сабақтың түрі: Сарамандық жұмыс.

ІХ. Сабақтың барысы: а) Ұйымдастыру кезеңі

— оқушыларды түгелдеу

— сабаққа керекті құрал-саймандарын тексеру

— сан-гигиеналық талаптарын тексеру

— қауіпсіздік ережесін сұрау

ә) Үй жұмысын сұрау

1. Ою-өрнек түрлерін ата

2. Ою қанша топқа бөлінеді?

3. Сырмаққа қандай ою түрлері тігіледі?

4. Сырмаққа қандай тігістері қолданылады?

Х. Жаңа сабақ:

Кіріспе нұсқау: Тірек сызбалар үлгісін пайдалана отырып, өткен сабақты еске түсіріп, жаңа сабаққа байланыстыра отырып, тақырыпты жариялау.

top»>

Тірек сызбалар үлгісі

top»>

Сырмақ туралы жорамал — Сыра салу, Сырғытта салу,

Сусыта салу, Сүйретте салу мазмұнынан туындайды.

top»>

Сырмақ киізінің басылуы

Ақ жүннен. Қара жүннен.

top»>

Сырмақтың көлемі мен түрлері

Көш сырмақ 3,5 м. Төр сырмақ 2,5 м.

Төсеніш сырмақ 3-305 м. Төсек алды сырмақ 2-2,5 м.

top»>

Сырмақ жасау технологиясы

Бастырмалы сырмақ. Ойманақышты сырмақ.

top»>

Сырмаққа басылатын тігілетін ою түрлері

Төрт қүлақ ою. Қошқар мүйіз оюы.

Сырмақтың тігісін әшекелеу. Сырмақты сыру үнемі ою-өрнектердің бағытымен жүргізді.Бұдан кейін сырмақтың шеттерін тегістеп қиып шетіне айналдыра бастырады. Сырмақтың жиегін бастырған жиекті ақ жүннен иіреді. Жиекке арналған жіпті жалаң қабатты түрінде біреуін оңқай, екіншісін солақай етіп иіреді, содан кейін оларды өз-өзіне қосады да, екі қабаттап, екі бөлек етіп тағы иіріп, бояуға салу үшін төгеді де жарты метр шамасындай етіп қайыптайды. Жиек жіптерді оңқай мен солақай бір-біріне қатар жарыстыра отырып, оны ширатпай-ақ домалақтап орайды. Сонда жиектің қатар түскен ширатындысындағы оңқай иірім мен солақай иірім қарсыласа келіп, біркелкі таңдай өрнегін жасайды. Мұндай бұйымдарды жасауға қажетті жиектің жібінен соның бетіне жапсыра тігеді. Біз бұл жіптің орнына тесманы пайдаланып, көктеу тігісінің ең майда түрлерімен сырмақты әшекейлейміз. Бұл тігісті бастамас бұрын, қауіпсіздік ережесін еске түсіріп, тігісті бастаймыз. Оюдың түйіскен жерінен бастап үстінен бастыра тесманы қойып тігеміз. Тігісті тігіп болғаннан соң, қолымызды, көзімізді тьшықтыру үшін сөзжұмбақ шешеміз.

Сөзжұмбақ

Тігінен

Қолөнердің мата қиындысынан тігілетін түрі
Жіңішке, жылтын көзі бар темір зат
Тақыр немесе түкті тоқылған бұйым
Саусақтың басына киілетін темір қалпақ

Көлденеңінен

5. Табиғи құрғақ материалдан құрастырылған композиция
6. Киімге немесе басқа затқа арналған дайындама
7. Денені сыртқы табиғи құбылыстан қорғайтын қабат.
8. Матаны, қағазды, жіпті қиятын құрал
9. Қазақтың ұлттық қолөнерінің бірі
10. Адамды адам еткен не?

tom»>

Жауабы:

Тігінен

1 .Құрақ

2.Ине

3. Кілем

4. Оймақ

Көлденеңінен

5 Икебано

6. Үлгі

7. Киім

8. Қайшы

9. Сырмақ

10. Еңбек

Сөзжұмбақ шешіп болған соң, еңбек туралы мақал-мәтел айтып, оқушылар бір-бірімен жарысады.

Мысалы: Еңбек етсең ерінбей,

Тояды қарның тіленбей.

Алтын білезік қол сәні,

Әшекей кесте тон сәні.

Еңбегі ештің,

Күні кеш.

Еңбек етпей ел оңбас,

Бірлігі жараспай ел оңбас.

Батыр адам қорқақты сүймес,

Шебер адам шорқақты сүймес.

ХІ. Сабақты қорыту: Сабақты қорыта келе, бақылау әдісін пайдалана отырып, оқушылардың тіккен бұйымдарын сабақты қаншалықты меңгергендігін, шеберлігін, ұқыптылықтарын бақылауымызға болады.

Сабақты толықтыру мақсатында оқушыларға жаңа сабаққа байланысты үй тапсырмасын беремін. Тігісті түрлендіру.

ХІІ. Бағалау

Сабақ соңына оқушыларға жұмыс орындарын жинап кетуін сұранамын.

Технология пәні мұғалімі: Қияшова А.

«Қызмет» ақпарат.

{jcomments on}