Шымкент қаласы әкімдігінің ақпараттық-коммуникациялық орталығында қоғамдық көліктерде «ТӨЛЕМ» электронды төлемақы жүйесін енгізу жайында қала әкімінің орынбасары М.Исаховтың қатысуымен брифинг өтті. Жоба «QazSmartTrans» ЖШС-нің жеке инвестициялары есебінен іске аспақ.
Инвестицияның жалпы көлемі 1,2 млрд. теңгені құрап отыр. Қоғамдық көліктерді электронды билеттендірудің мақсаты — қоғамдық көліктің жағдайын жақсарту, «Цифрлы Қазақстан» мемлекеттік бағдарламасын іске асыру.
Жол карточкасының бағасы 500 теңге. Төлем карточкасының төрт түрі: стандартты (яғни, жалпы пайдалануға арналған), тегін тариф, оқушы картасы, студент картасы дейтін түрлері қарастырылған. Электронды төлемсіз, қолма-қол жол ақысын төлеу тарифі (100тг) қымбат болуы мүмкін. Егер, жол ақысын төлемей, ереже бұзылса 2 мрп (5000) айыппұл салынады.
Алматылық «Оңайдан» оңай «Төлеммен» төлем жасаудың артықшылығы:
- Ұлы Отан соғысы ардагерлері, тыл еңбеккерлеріне, Алтын құрсақ аналар, алтын, күміс алқа төс белгі иелері мен мүгедектерге көлік картасы тегін таратылады, жол жүру тегін болмақ;
- Бір сағатта екі маршрутқа отыру тегін болады;
- Электронды төлемақының жарамдылық мерзімі жоқ;
- 7 жасқа дейінгі балалар тегін, 15 жасқа дейінгі оқушыларға 35 тенге, студенттердің жол ақысы 50 теңге болады;
- Шымкент қаласына тіркелмеген оқушылар мен студенттер жеңілдігі бар картаны қолдана алмайды, яғни, жалпыға ортақ стандартты картамен төлем жасайды.
Жоспарға сәйкес, 30 қыркүйекке дейін автобустарға валидаторлар толығымен орнатылады, ал жол карточкасын 1 қазаннан бастап сатып алуға болады. Ал, жүйені іске қосу 2020 жылдың 15 қазан күнге жоспарланып отыр. Карточканы сатып алған әрбір тұрғын Шымкент қаласының модернизациялануына өз үлесін қосады.
Ақбөпе ЕРГЕШ
Больше историй
СТРОИТЕЛЬСТВО АЭС ДАСТ ИМПУЛЬС РАЗВИТИЮ БИЗНЕСА — РАИМБЕК БАТАЛОВ
САУАЛНАМА ҚАНША АДАМНЫҢ АЭС САЛУДЫ ҚОЛДАЙТЫНЫН КӨРСЕТТІ
Ұлттық құндылықтарды қалай дәріптейміз: қоғам немесе ата-ана?