АЛДАҒЫ БЕС ЖЫЛДЫҚТА 2-2,5 МЛН ШАРШЫ МЕТР КӨПҚАБАТТЫ ҮЙ САЛЫНАДЫ

Бұл туралы Шымкент қаласының әкімі М.Әйтенов ҚР Президенті жанындағы Орталық коммуникациялар қызметінде өткен баспасөз брифингінде айтты.

– Шымкент қаласында тұрғын үйлердің 70 пайызын жеке үйлер құрайды. Көпқабатты үйлердің көбісі Кеңес одағы кезінде салынған. Олардың тозығы жетті. Мегаполис қала болғандықтан, енді көпқабатты үйлерді дамытуға басымдық беруіміз керек.

Былтыр 590 мың шаршы метр үй салынды. Биыл бұл көрсеткішті 648 мың шаршы метрге жеткізіп отырмыз. Алдағы бес жылдыққа қалада кемінде 2-2,5 млн шаршы метр көпқабатты үйлер  салынуы керек,— деді Шымкент қаласының әкімі.