Ошибка
 
 
Қоғам
«Ең, ең, ең» ауданда 2020 жылы топырақ жол қалмайды Печать
12.11.2019 16:11

Бүгін  Шымкент қаласы Абай ауданының әкімі Ғ.Төлепов 2019 жылдың алғашқы 10 айдағы әлеуметтік-экономикалық көрсеткіші мен мемлекеттік бағдарламаларының орындалуы бойынша баспасөз өкілдері алдында есеп берді. Абай ауданында 322,911 мың адам тұратын болса, ол жалпы қала халқының 32 пайызын құрайды. Жер аумағы бойынша да (49,704 мың шаршы шақырым) қаладағы ең үлкен, сәйкесінше мәселелері де ең көп. «Ең, ең, ең...» ауданды басқарып отырған Ғалымжан Әнуарұлы бүй дейді:

Аудан аумағында елді мекендер саны 34, оның ішінде ауыз сумен қамтылғаны - 24 (76,5%), 10 елді мекен 16 827 үй, (23,5%) құдық және тасымалды ауыз суларын пайдаланады. Ауыз су жоқ Ақжар, Айкөл елді мекендеріне "СодбиСтрой" мекемесінің көмегімен ауыз су жүйелері тартылып, 2019-2020 жылдары халыққа  пайдалануға тапсыру жоспарлануда.

- Жаңаталап аумағына  магистралды су жүйесін тартуға  "Лидер Строй Проект-2002" мекемесі айналысатын болады. Жоба құны 424,7 млн. теңге. Құрылыс жұмыстарын бастау 2020 жылға жоспарланған.

- Жаңаталап, Қызылжар, Игілік, Тәуелсіздікке 20 жыл, Көкбұлақ тұрғын алабтарына 2020 жылы 3 707 үйге  ауыз су жүйесін жүргізу жоспарлануда.  Жоба құны 2 млрд. 168 млн. теңге.

Осы 5 елді мекендердің ауыз су жүйесіне қосылған жағдайда, елді мекендер саны 29 жетіп, ол  81,7 % құрайды.

- Ақтас, Солтүстік саяжай, Ынтымақ-2, Батыс  елді мекендеріндегі 11 120 тұрғын үйге ауыз су жүйесін тартуға қалалық энергетика  коммуналдық шаруашылық басқармасы тарапынан жоба  дайындалуда. Жобаға қаралған қаржы көлемі 86,1 млн. теңгені құрайды.

Аудан аумағында 24 елді мекендер (78,3%) мемлекеттік электр жарығымен қамтылған болса, 10 елді мекен (21,7%) жеке меншік трансформатордың жарығын пайдаланады. Ауданда халыққа қызмет көрсететін трансформаторлар саны - 150 оның ішінде: мемлекеттік -113,  жеке меншік - 37.

Электр жарығының тарифі-15,72 теңге, жеке меншік электр жүйесіндегі жарықтың сапасы төмен, электр желілері мен бағаналар ескірген, жиі өшу фактілері орын алуда. Тариф бағасы 22-28 теңге аралығында.

- Құрсай, Самал-3 шағын ауданы аумақтарындағы 7112 үй электр жүйесімен қамтамасыз ету үшін, “Электромонтаж” мекемесі құрылыс   жұмыстарын жүргізуде. Нысанның аяқталу мерзімі 2019-2020 жылдарға жоспарлануда.  Осы жаңа электр жүйелері пайдалауға берілген жағдайда 88,3 % құрайды.

- Ақтас-2, Солтүстік саяжай, Батыс, Ынтымақ-2, Ақжар, Айкөл, Жаңаталап, Игілік, Тәуелсіздікке 20 жыл  елді мекендеріндегі 13 547  тұрғын үйлерге жаңа электр жүйелерін жүргізуге жобалық-сметалық құжаттарын қалалық энергетика және коммуналдық шаруашылық басқармасының тапсырысымен дайындалуда.

34 елді мекеннің 24 елді мекендер (72,9%) табиғи газ жүйесімен қамтылған. 10 елді мекен көмір отынын пайдаланады. Аталған елді мекендерде 250-300 мың теңге көлемінде қаржы жинап, тұрғындар жеке меншік газ жүйелерін тартып алған.  (1 м3 газдың тарифі - 34,47 теңге)

- Алтынтөбе тұрғын алабындағы 218 үйге "Жылу строй Ремонт" мекемесі 2019 жылы  газ тарту жұмыстарын бастап, 2020 жылы аяқтауды  жоспарлауда. Жобаның құны-113,1 млн.теңге.

- Көкбұлақ тұрғын алабындағы 312 тұрғын үйлерді табиғи газ тарту жұмыстарына  қамтамасыз ету мақсатында  "Марк Гарант”мекемесі  жобалық-сметалық құжаттарын дайындауда. Жобаға қаралған қаржы көлемі 12,6 млн.теңге.

- Ынтымақ-2, Солтүстік саяжай, Ақтас шағын ауданы, Тәуелсіздікке 20 жыл,  Арғымақ,  Айкөл,  Ақтас, Құрсай  елді мекендерін (12 683 үй) табиғи газ жүйесімен қамтамасыз ету үшін ЖСҚ дайындауға қалалық энергетика және коммуналдық шаруашылық басқармасына ұсыныс берілген.

Аудан бойынша тұрғындардың кәріз жүйесімен 34,6% қамтылған.

2018 жылы аудан аумағындағы Самал-1, Самал-2, Солтүстік батыс шағын аудандарына орталық кәріз жүйелері жүргізілген болатын. (9043 үй, 124,2 шақырым)

Самал-1, Самал-2 және Солтүстік Батыс шағын ауданындағы  абоненттерді орталық кәріз жүйесіне қосу жұмыстары "Үшсай", "Сарыағаш-Аман",  "Шебер-2"  мекемелеріне жүктеліп, 2020 жылы  басталады.  Жобаның құны - 2 897,59 млн.теңге.

-  Самал-3 шағын ауданындағы 6072 үйге кәріз жүйесін тарту үшін, "Бахыт АБК" мекемесі жобалық сметалық құжаттамаларын дайындауда. Жобаның құны 17,9 млн. теңге, 2019 жылға қаралған қаржы 11,6 млн.теңге.

Кәріз жүйесі іске қосылған жағдайда, 43% көтерілетін болады.

- Қызылжар тұрғын алабындағы "Шымкент құс"АҚ кәріз жүйесін қалпына келтіру және тазалау қондырғысын орнату; 14 елді мекенге жоба дайындауға ұсыныс берілген.

Аудан аумағындағы көшелер саны-1025, оның ішінде асфальт жол - 545 (53,2 %) 581,4 шақырым (57,4%); тас жол - 377 көше (36,8 %); 373,65 шақырым (36,8% ); топырақ жолдар - 103 көше (10,0%); 58,95 шақырым. (5,8%).

- Әл-Фараби көшесінің жалғасының құрылысын "Отау Строй"  мекемесі  жүргізуде. Жобаның құны - 3 663,5 млн.теңге. Нысан 2020 жылға өтпелі;

- Бадам өзенінің үстінен өтетін көпір құрылысын"ЖБИ-С" мекемесінің күшімен атқарылуда. Құрылыс  монтаж жұмыстарына қаралған қаржы 1895,5 млн.теңге. Аяқталу мерзімі 2020 жыл;

- Темірлан тас жолы мен Мангелдин көшелерінің қиылысындағы жер үсті жаяу жүргіншілер өтпесі құрылысының жоба құны 226,1 млн. теңге. Мердігер "Алеф-А" мекемесі. Нысанды аяқтау мерзімі 2020 жыл.

- 2019 жылы 21 көшеге (25,8 шақырым) жалпы соммасы  864,6 млн. теңгеге асфальт төсеу жұмыстары жүргізіліп, жалғасын табуда.

- 2020 жылға  аудандағы 59 көшеге (59,8 шақырым) асфальт төсеу жұмыстарына (1 424,7 млн. теңге) қалалық экономика және бюджетті жоспарлау басқармасының   бюджетті нақтылау  жоспарына ұсынылды.

2019 жылы аудан аумағындағы Самал-3, Қызылжар,  Ақтас, Құрсай, Ынтымақ, Ынтымақ-2, Агрофирма, Солтүстік саяжай, Ақжар,  Арғымақ елді мекендеріндегі 85 топырақ көшелерге 27,34 шақырым шағал тас төселді.

2020 жылға аудан аумағындағы 103 көшеге 58,95 шақырымға шағал тас төсеу жұмыстарына қаржы қарастыру үшін  қалалық экономика және қаржы басқармасына ұсыныс тапсырылды.

Тұрғын алабтардағы жаңақұрылыс аумақтарында  пайда болып жатқан көшелерге қажеттілігіне қарай қосымша ұсыныстар берілетін болады.

Аудан аумағында 1025 көшенің 183 көшесінде (17,8%) 340 шақырым (33,5%) аяқ жол төселген.

2019 жылы Самал-3 шағым ауданы Ізгілік көшесі-1,5 шақырым; Ынтымақ шағын ауданы Ташкент көшесіне -1,8 шақырым; 4 шағын ауданы Қабылбеков көшесі - 0,5 шақырым; Жайлау шағын ауданы Алмаханқажы көшесі - 0,8 шақырым; Ақсуат көшесі - 0,75 шақырымға, барлығы 5 көшеге 5,3 шақырымға 50,9 млн.тг. аяқ жол салу жұмыстары  жүргізілді.

2020 жылға  9 көшеге 6,34 шақырымға 84,8 млн.теңгеге аяқ жол салу қалалық жолаушылар көлігі және автомобиль жолдары басқармасына ұсыныс жолданды.

Аудан аумағында 453 көпқабатты тұрғын үйлер 258 аулаға біріктірілген. 2019 жылға дейін 219 аулаға балалар ойын алаңшалары орнатылған.

Көпқабатты тұрғын үй аулаларын абаттандыру мен балалар ойын алаңшаларын орнату  бойынша 2019 жылы  аудан аумағындағы 45 ауланы 1 411,6 млн. теңге мемлекеттік жекешелік әріптестік аясында жұмыстар жүргізілуде.

2020 жылға аудандағы тозығы жеткен 35 ауланы абаттандыру бойынша сметалық құжаттамалары 515, 6 млн. теңгеге дайындалып, бюджеттен қаржы қарастыру үшін, қалалық экономика және бюджетті жоспарлау басқармасына ұсыныс енгізілді.

«Қызмет-Ақпарат»

Фото С.Қосаевтікі

 
287 көшеге атау берілмек Печать
11.11.2019 14:13

Шымкент қаласындағы Қаратау ауданы әкімі А.Әліқұлов 2019 жылдың 10 айындағы әлеуметтік-экономикалық көрсеткіші мен мемлекеттік бағдарламалардың орындалуы бойынша БАҚ алдында есеп берді. Әкімнің айтуынша, 10 ішінде төмендегі жұмыстар атқарылған.

Аудан бойынша 47 202 жеке тұрғын үй болса, оның 37 511 яғни, 79,5% тұрғын үй тәулік бойы сапалы ауыз сумен қамтылған, 5 211 тұрғын үй, 11,2% - кесте бойынша, ал тасымал сумен қамтылғаны 4 431 үй, бұл - 9,3% құрайды. Қазіргі уақытта, Сайрам тұрғын алабы жаңақұрылыс аумағы тұрғындарын сапалы ауыз сумен толық қамту мақсатында құрылыс жұмыстары жүргізілуде. Құрылыс жұмыстарының аяқталу мерзімі 2019 жылдың соңы. Достық шағын ауданында ауыз сумен қамту құрылыс жұмыстары атқарылуда. Пайдалануға беру мерзімі 2020 жыл. Ал, Тассай тұрғын алабы мен Тұран ш/а ауыз сумен қамту жұмыстары қаржы тапшылығына байланысты уақытша тоқтап тұр. Сонымен қатар Асар-2 шағынауданының ішкі орамдық көшелері мен Қайнарбұлақ тұрғын алабының магистралды ауыз су құбырының ЖСҚ-сы дайын. Құрылыс жұмыстары 2020 жылы басталатын болады.

Биыл Сайрам аумағы Тассай бөлімшесі мен Қайтпас, Нұртас шағынаудандарындағы 594 отбасы сапалы электр жарығымен қамтылды. Асар-2, Достық шағынаудандары мен Тассай, Шапырашты, Өтеміс тұрғын алаптарында электр жарығымен қамту құрылыс жұмыстары жүргізілуде. 2020 жылы 6 146 отбасы толық сапалы электр жарығымен қамтылатын болады. Ал, Қайнарбұлақ тұрғын алабын сапалы электр жарығымен қамту мақсатында ЖСҚ-сы әзірленген. Құрылыс жұмыстары 2020 жылға жоспарланған.

2019 жылы санитарлық тазалау жұмыстарын атқаруға 180,6 млн.теңге бөлініп, «Qazaq Stroy Zhol» ЖШС  тарапынан қазіргі таңда аудан аумағындағы 3740 куб күл-қоқыс шығарылып, 79 шақырым ирригациялық арық және бордюр жанын тазалау жұмыстары атқарылды.

Аудан аумағында жалпы ұзындығы – 1 110 шақырымды құрайтын – 1 272 көше бар. Оның 481 шақырымы, яғни, 375 көше – асфальт, 518 шақырымы, 751 көше – шағал тас, ал,  110 шақырымы топырақ көшелер, бұл – 146 көше.

Қаратау ауданы аумағында жалпы 352 көп қабатты тұрғын үй 152 аулаға біріктірілген. Қазіргі таңда аудан аумағындағы 57 аулаға біріктірілген 139  көп қабатты тұрғын үй аулаларына заманауи үлгідегі сапалы балалар ойын алаңдары және спорттық жаттығу тренажерлары мен 20 ашық спорт алаңшаларын орнату мен күтіп ұстау жұмыстарын мемлекеттік-жекеменшік әріптестік аясында «Бай-Болашақ» ЖШС-і тарапынан құрылыс жұмыстары жүргізілуде.

Аудан аумағындағы жалпы ұзындығы 1,4 шақырымды құрайтын Тассай тұрғын алабындағы 2 көшеге аяқжол орнатылды.  Сонымен бірге, аудан аумағындағы Нұрсәт, Азат, Достық, Бозарық, Ақжайық, Қайтпас, Нұртас шағынаудандары мен Қайнарбұлақ, Тассай, Таскен, Өтеміс, Шапырашты тұрғын алаптарындағы 66 орынға жаңа аялдама орнатылды.

ҚР Президент Әкімшілігінің тапсырмасымен көшелерге кісі есімін беру тоқтатылған (мораторий). Алайда, жер-су, таулардың, табиғи көріністердің атауларын беру жұмыстары жүргізілуде. Бүгінге дейін, аудан аумағындағы  көшелерге атау беру мәселесі бойынша тұрғындармен өткізілген жиналыстардың хаттамалары толтырылып, 287  көшенің құжаттары қалалық мәдениет және тілдерді дамыту басқармасына жолданды. Ал ауданымыздағы атауы жоқ 81 көшеге атау беру  бойынша тиісті жұмыстар жалғасын табуда. Сонымен бірге, ауданымыздағы 319 көп қабатты тұрғын үйге «QR-code» үлгісіндегі тақтайша орнату жұмыстары атқарылды.Сонымен қатар, жаңақұрылыс аумағындағы 9 аялдамаға атау беру бойынша тұрғындармен хаттамалар толтырылып, Шымкент қаласы энергетика және коммуналдық шаруашылық басқармасына жолданды.

Шымкент ақпараттық коммуникациялық орталығы

Фото С.Қосаевтікі

 
ШЫМКЕНТТЕ БІРЫҢҒАЙ АДАЛДЫҚ САҒАТЫ ӨТТІ Печать
11.11.2019 12:52

Шымкентте Сыбайлас жемқорлыққа қарсы іс-қимыл агенттігінің Шымкент қаласы бойынша департаментінің бастамасымен кезекті республикалық «Адалдық сағаты» өтті. Іс-шараның негізгі мақсаты - өскелең ұрпақтың бойында сыбайлас жемқорлыққа қарсы мәдениетті қалыптастыру және оқушыларға парасаттылықтың негізгі қағидаларын жеткізу.

Атап айтқанда, "Парасаттылық мектебінің" 50 арнайы оқытылған лекторлары "Шымкент – адалдық алаңы" жобалық кеңсесінің, Арнайы мониторингтік топ, «Нұр Отан», ардагерлер кеңесі, жастар ұйымдары, қамқоршылық кеңестерінің өкілдерімен бірлесе қаланың 140 мектебінде 28 мыңнан астам оқушыны қамтыған дәрістер өткізді. Аталған кездесулердің форматы ойын коучингтері, тренингтер, дөңгелек үстелдер түрінде ұйымдастырылып, онда сыбайлас жемқорлыққа қарсы саясатты іске асырудың негізгі мақсаттары, сонымен қатар, сыбайлас жемқорлыққа қарсы мәдениетті қалыптастырудағы парасаттылықтың рөлі түсіндірілді. Шараларда өскелең ұрпақтың парасаттылық қағидаларын жүзеге асыруда және таратуда, қазақстандық патриотизм рухында жеке тұлғаны тәрбиелеуде және жемқорлықты қабылдамаудағы маңызды рөлі атап өтілді.

Парасатты дос, аға, ұл, оқушының үлгісі сыбайлас жемқорлыққа қарсы алдын алу жұмысының өзегі болып табылатындықтан, «Парасаттылық мектебінің» лекторлары өз баяндамаларында жастарды насихаттау қызметінде бірлесе жұмыс жасауға шақырды.

Превенция басқармасы

 
«БІР ЖОЛ – БІР ТАРИХ» Печать
11.11.2019 12:25

Түркістан қаласында осылай аталатын халықаралық туристік форум өтті. Форумның «Turkistan: One Way – One History» деп аталуының да өзіндік себебі бар. Алыс-жақын шетелдер, көршілес елдерден туризм саласы мамандарының басын қосқан форумда Ұлы Жібек жолы бойындағы саяхат, демалыс, сауда-саттық, логистика, тасымал тақырыптары қозғалып, қызу талқыға түсті. Жиын аясында әлемдік сарапшылар Жібек жолы бөлігіндегі елдердің туризмін дамытудың өзекті мәселелерін, туризм саласындағы цифрландыру мен маркетингтің жаңа мүмкіндіктері мен трендтерін, сондай-ақ қазіргі жастардың болашақ экономикасындағы рөлін талқылады.

Бұл іс шара Түркістан өңірінің туристік мүмкіндіктерін таныстыру, туризмді дамыту, тікелей инвестицияларды тарту, әлеуетті инвесторлар арасында өңірдің туристік әлеуетін арттыру бойынша халықаралық ынтымақтастықты кеңейтуге қосымша серпін берді десе де болғандай. Форум қорытындысы бойынша бірқатар меморандумдарға қол қойылды.

Форумға 300-ден астам қонақ қатысса, олардың ішінде шетелдік лауазымды тұлғалар мен қатар алыс және жақын шетелдердің туризм саласының халықаралық мамандары, мемлекеттік органдар, қазақстандық және халықаралық бизнес-қауымдастық, туристік ұйымдар, қауымдастық және инвестициялық компаниялардың өкілдері болды.

Форумды ашқан Түркістан облысы әкімінің орынбасары М.Мырзалиев Түркістан қаласының туризм саласындағы орны жайында сөз қозғап, атқарылып жатқан бастамаларға тоқталды. «Қазір Түркістан қаласын таныту мақсатында тек қала аумағын ғана емес облыс аумағындағы барлық тарихи орындарды танытуға күш салудамыз. Бұл жоба қарқынды түрде жүріп жатыр. Сонымен қатар, облыста жаңа ғимараттар да бой көтеруде.

Облыс әкімі Ө.Шөкеев Түркістан қаласын идеологиялық және тарихи тұрғыдан қалыптастырудың төрт бағытын ұсынған болатын. Оның бірі – Түркістан қаласын әлемдік деңгейдегі қолөнершілер орталығына айналдыру еді. Осы орайда бүгінгі күні аумағы 6000 шаршы метрді құрайтын Ұлы жібек жолының ұлттық дәстүрлі қолөнер орталығының құрылысы жүргізілуде. Бұл жоба республикада қолөнерді дамытуда алғашқы және бірегей жоба болып табылады»- деді ол.

Өз елдерінің туристік әлеуетін Қазақстанның оңтүстік облыстары, оның ішінде Түркістан өңірінің туристік нысандарымен бірге дамытуға мүдделі көршілес елдер қатарында өзбек елі де бар.

Азаматтардың көршілес елдер арасындағы барыс-келісін оңайлататын «Silk Visa» режимін ендіру арқылы «Жібек жолы» аймағын құру және оны ертерек іске асыру керек. Бұл форумға қатысушылар алдында сөз алған Өзбекстан премьер-министрінің орынбасары А.Абдухакимовтың пікірі.

Келушілердің ерекше назарын аударған «екі күнге созылған «Silk Road Craftsman-2019» қолөнер шеберлерінің халықаралық көрмесі болды. Бұл көрмеге тек Түркістан өңірі ғана емес, Қазақстанның түкпір-түкпірінен, сондай-ақ көршілес қырғыз, өзбек, тәжік елінен келген қолөнер шеберлері қатысып, кәдесый өнімдерін саяхатшыл халайыққа таныстырды. Он саусағынан өнер тамған шеберлердің бұйымдары бірінен-бірі өтіп, көздің жауын алады. Әр шебердің кәдесый жасау техникасы мен жасалатын материалы ерекше. Мәселен, Алматы облысынан келген шеберлердің сүйек, мүйіз, киіз, ағаш және металл материалдардан жасалған ұлттық бұйымдары келушілердің назарын бірден өзіне тартады.

Осы халықаралық форум аясында өткізілген тағы бір қызықты шара «Дәмді Turkistan» І қалалық тамақ фестивалі болды. Алғаш рет өткізілген фестиваль Түркістан қаласының тағы бір туристік қырын – гастрономиялық туризм саласын дамытуға ықпал етуді көздейді. Шараға жалпы 19 қатысушы, оның ішінде 12 дәмхана мен мейрамхана, 7 кондитерлік өнімдер шығаратын цех өкілдері қатысып, кәсіпкерлік нысан өкілдері қонақтарға түрлі тағамдар ұсынды. Солардың ішінде жұрт назарын аударған ұзындығы бес метрлік кәуап болды. Аспаздардың айтуынша, дәмді кәуап еттартқыштан өткен (фарш) және кесектеліп туралған еттен пісірілген. Шараның мақсаты – Түркістанға келуші туристерге түрлі тағамдар ұсыну және олар қайта келгенінде өзге де туристерді ала келетіндей тартымды жағдай қалыптастыру.

Халықаралық форум өте шықты. Бұл шара жергілікті әкімдіктің туризм саласын дамытуға деген ықыласын танытты. Бірақ мұндай шаралар тек бір ғана форум аясында өткізіліп, ертесіне ұмытылып кетпеуі тиіс. Түркістан қаласы еліміздің оңтүстік өңірінің туристік орталығы екені рас. Қасиет іздеген зияраттаушы да, тарихи нысандарды көргісі келетін саяхатшы да, тау мен табиғат сырына құлақ түрген жиһанкез де, жолай өткен жолаушы да Түркістанға соқпай өтпейді. Көне шаһардың бұл қасиеттеріне қолөнер шеберлерінің орталығы, көкөніс өнімдерінің иісі аңқыған шығыс базары, түркістандық брендке айналған кулинариялық келбеті, жайлы қонақ үйлер, сәулетті қала көрінісі қосылса, нағыз туристік ірі орталыққа айналар еді. Оның алғышарттарын осы форум аясында байқадық. Тек уақытша құбылыс болып қалмаса екен...

Сейдалы Дүйсебайұлы

 
Бет 1 , барлығы 95
 
Барлық құқықтар қорғалған.
"Қызмет" интернет басылымы.