Ошибка
 
 
Қоғам
А.ШІЛМАНОВ: «Ең күрделі салалар: денсаулық сақтау, білім беру және полиция» Печать
27.05.2019 15:36

«100 нақты қадам» – Ұлт жоспары. 13-қадам: ЖЕМҚОРЛЫҚҚА ҚАРСЫ КҮРЕСТІ КҮШЕЙТУ, сонымен бірге, жаңа заңнамалар әзірлей отырып, Мемлекеттік қызмет істері және жемқорлыққа қарсы іс-қимыл агенттігінің құрылымында жемқорлық құқық бұзушылықтың жүйелі түрде алдын алу және сауықтыру үшін жемқорлыққа қарсы арнайы бөлім құру.

А.ШІЛМАНОВ: «Ең күрделі салалар: денсаулық сақтау, білім беру және полиция»

Бұл пікірін Айбек Шілманов Шымкент қаласындағы Мемлекеттік қызмет және сыбайлас жемқорлыққа қарсы іс-қимыл агенттігінің Сыбайлас жемқорлыққа қарсы іс-қимыл бюросы ғимаратында Нұр-Сұлтан қаласындағы ақпараттық алаңынан бейнебайланыс арқылы өткен брифингте БАҚ өкілдеріне берген сұхбатында айтты.


Одан бөлек, Мемлекеттік қызмет және сыбайлас жемқорлыққа қарсы іс қимыл агенттігінің Шымкент қаласы бойынша департаменті басшысының орынбасары Айбек Ақбергенұлы: «Агенттіктің негізгі мақсаттарының бірі – жемқорлықпен күресте қоғам өкілдерін барынша қоса отырып, олардың пікірлерін тыңдау. Бұл маңызды. Неге десеңіз, жемқорлықпен күресте қоғамның орны өте жоғары. Жемқорлықты жоюда тек мемлекеттік мекемелердің күші жеткіліксіз, оған мүмкіндігі де жоқ. Сол себепті, қоғамның барлық өкілдері оған ат салысып, өздерінің үлесін қосып отыру қажет. Сондықтан біз қоғамдық өкілдердің пікірлерін дер кезінде біліп отыруды мақсат еттік» дей келе, қорытынды сөзге көшті:

«Мамандардың айтуынша, еліміз бойынша денсаулық сақтау, білім беру және мемлекеттік сатып алу салаларында сыбайлас жемқорлық көп кездесетініне ерекше тоқталып жатады. Бұның себебі аталған салалар азаматтардың күнделікті өмірі мен әлеуметтік жағдайына тікелей әсер ететіндіктен болар. Бұл салалар бойынша агенттікпен тиісті жұмыстар жүргізілді. Соның ішінде, Елбасының тапсырмасына сәйкес, «Shymkent Adaldyk Alany» жобалық офисі ашылған болатын. Біз де өзіміздің деректерімізге сәйкес, Шымкент қаласындағы ең күрделі мәселе ретінде үш саланы айта аламыз: денсаулық сақтау, білім беру және полиция. Бұл үш саланы жеке тоқталып атауымыздың себебі, осы салалар бойынша азаматтардан көбірек шағым түседі және қаламыздағы мәселелері ең көп салалар деп есептейміз. Бұл шешімімізге қоғам өкілдері де сауалнамалық таңдау жасаған. Осының арқасында аталған салаларда жауапты органдармен бірлесе тиісті шараларды бастап кеттік. Сарапшылық топтар құрып, ол топқа қоғам белсенділері, қоғамдық ұйым өкілдері, мемлекеттік емес ұйымдардың мүшелері немесе қарапайым ғана қоғамға бей-жай қарай алмайтын кез келген белсенді азамат қатыса алады. Ол үшін жобалық офиске келіп тіркелу керек. Осылайша қоғаммен кері байланыс орнап, сыбайлас жемқорлықпен күрес процесіне азаматтар да араласу және күрес барысының атқарылуына көз жеткізу мүмкіндігін алады. Қала тұрғындарын «Shymkent Adaldyk Alany» жобалық офисінің жұмысына қосылуға шақырамын» деп орынбасар ойын түйіндеді.

"Қызмет - ақпарат"

 
«Әр реформаның жүзеге асуы мемлекеттік қызметшіге байланысты» Печать
27.05.2019 14:41

Шымкент қаласындағы Мемлекеттік қызмет және сыбайлас жемқорлыққа қарсы іс-қимыл агенттігінің Сыбайлас жемқорлыққа қарсы іс-қимыл бюросы ғимаратында Нұр-Сұлтан қаласындағы ақпараттық алаңынан бейнебайланыс арқылы брифинг өтті. Бұл жиынның ерекшелігі аумақтардағы департамент өкілдерімен онлайн режимде бейнебайланыс орнатылып, кері байланысу мүмкіндігі қаралған.


Жиында жалпы еліміздегі сыбайлас жемқорлыққа қарсы жұмыс және оның бүгінгі жағдайына баға беру, мемлекеттік қызметшілердің факторлық-баллдық шкала бойынша жаңа еңбекақы жүйесіне сәйкес төленген бонустар нәтижесі, «Еуразия» ұлттық университеті базасында алғаш рет HR-мамандарды оқыту мәселелері талқыға салынды. Талқылауға әр түрлі сала сарапшылары тартылған. Бұл сарапшылар елімізде жүргізіліп жатқан сыбайлас жемқорлыққа қарсы стратегияның орындалуы бойынша өздерінің пікірлерін білдірді. Яғни, жұмыс қаншалықты дұрыс жүріп жатқаны туралы екшеп, өздерінің ұсыныстарын білдіруге мүмкіндік туды.

Қазақстан кәсіпкерлерінің құқықтарын қорғау жөніндегі уәкілі Б.А.Палымбетов «Кәсіпкерлер палатасының» басты мақсаты елдегі бизнестің дамуына жан-жақты қолдау көрсетіп, жағдайлар жасау екенін ескерте отырып, өздерінің жұмыс барысында Мемлекеттік қызмет және сыбайлас жемқорлыққа қарсы іс қимыл агенттігімен тығыз байланыс орнатқанын айтты. Оның сөзінше, еліміздің әр аймағында сыбайлас жемқорлықпен күрес және кәсіпкерлікті дамыту жөніндегі өңірлік кеңестер құрылған. Бұл органдардың құрылуы өңірлік мәселелерді дер кезінде шешуге ықпал ете бастаған. Мәселен, аумақтардағы кәсіпкерлерден түсетін шағымдар саны 70–80 мың болса, қазіргі уақытта бұл көрсеткіш 40 пайызға азайған. Бұның барлығы – мемлекеттік органдармен бірлесе атқарған шараларының нәтижесі. «Дегенмен, мемлекеттік қолдауларды пайдалануын рәсімдеу кезінде кәсіпкер шенеунікпен сыбайлас жемқорлыққа қатысты қақтығыстарға ұшырап, кәсіпкер жалғыз қалатын кездер кездесіп қалады. Бұл тұрғыда әлі де бірлесіп атқаратын жұмыстар бар», – деді Б.Палымбетов.

«Талап» қолданбалы зерттеулер орталығының директоры Р.С.Ошақбаев өзі басқаратын орталық жыл басында 2015–2020 жылдарға арналған сыбайлас жемқорлық қарсы стратегияның орындалуына қатысты сараптамасы жарық көргенін айтты. Бұл стратегия жемқорлыққа қарсы күрес құжаттамаларының негізгі қайнар көзі саналып, жағымсыз құбылысқа қарсы күрестің мемлекеттік бағытын айқындайды. Базалық жағынан жемқорлық ұғымы, бұл – жеке таңдау көрсеткіші деп түсінеміз, сондықтан бұл ұғыммен қатар «жемқорлықты түйсіну индексі» деген ұғым қолданылады. Орталық басшысының айтуынша, «Елдегі жемқорлық деңгейі қандай?» дегенде, тұрғындардың мемлекеттік қызметтерді қоғамдық пайдалану кезінде жемқорлықпен соқтығысу ықтималдығы әлеуметтік сауалнамалар негізінде анықталатынын білу маңызды. Мәселен, қазіргі кезде тұрғындар ХҚКО-дағы кезек, құжат әзірлеу мерзімі және өзге де қызметтер алу кезінде туындайтын қолайсыздықтарға қатысты көбірек шағымданады екен. «Кейбір мемлекеттік органдар өздерінің сыбайлас жемқорлыққа қарсы күрес іс-шаралар жоспарын бекіткенде тиімсіз пунктермен толтырған. Жекелеген мемлекеттік органдарға тоқталар болсақ, мәселен, Білім және ғылым министрлігінде республикалық іс-шаралар жоспарына мемлекеттік сатып алу процесіндегі мектептердегі ыстық тамақпен қамту конкурстарына жосықсыз қатысушыларды қатыстырмау шарасын қосқан. Бұл онсыз да заңнамалармен бекітілген жалпыға ортақ тәртіп. Сыбайлас жемқорлыққа қарсы күрес іс-шараларын жасақтау кезінде мүмкіндігінше ашықтық пен қоғамдық бақылау шараларын қосқан тиімді болар еді», – деді орталық басшысы.


Мемлекеттік қызмет және сыбайлас жемқорлыққа қарсы іс-қимыл агенттігі төрағасының орынбасары А.А.Шаимова мемлекеттік қызметшілердің факторлық-баллдық шкала бойынша жаңа еңбекақы жүйесіне тоқталды. «Елбасы Н.Назарбаев тиімді мемлекеттік аппарат құру туралы мақсат қойды. Себебі, әр реформаның сәтті жүзеге асуы мемлекеттік қызметшілердің кәсібилігіне тікелей байланысты. Осы орайда, оларға қойылатын негізгі талап – қоғамға әсер ететін тиімді нәтижелерге қол жеткізу. Қазіргі кезде бұл – мемлекеттік аппарат жұмыстарын бағалайтын басты көрсеткіш. Сонымен қатар, осы қағида жаңа жалақы жүйесінің негізінде салынған. Оның негізгі ерекшелігі, мемлекеттік қызметшінің жеткен жетістігі мен жұмысының соңғы нәтижесі жалақы есептелуі кезінде ескеріледі. Сондай-ақ, сыйақылардан бас тартып, еңбекке ынталандырушы ретінде және қызметшінің тиімділігін арттыру мақсатында бонустар есептеуді қолдана бастадық. Типтеріне қарай тағайындалатын бұл бонус пен сыйақылар сырттай қарағанда бір нәрсе көрінгенімен, мотивацияның түрлі тәсілдері саналады. Мысалы, бонустар қызметшінің жылдық жұмыс қорытындысымен жылына бір рет төленеді» деді ол. Айгүл Амантайқызының айтуынша, бонустар әр қызметшінің түзілген жылдық жеке жұмыс жоспарының атқарылуын бағалауға байланысты анықталады екен.

Мемлекеттік қызметшілердің тиімді еңбекақы төлеу жүйесін жүзеге асырудың негізгі мақсаты да сол сыбайлас жемқорлықтың алдын алу. Бұл жүйені іске қосу былтыр басталып, биыл рет-ретімен аймақтарда атқарыла бастаған. Брифинг соңында сарапшы мамандар тарапынан мемлекеттік қызмет саласындағы ашықтық пен қоғам алдындағы беделін көтеру төңерегінде қорытындыланып, сараптау нәтижелері алда ескерілетін болды.

Сейдалы ДҮЙСЕБАЙҰЛЫ

 
ТҮРКІСТАН: АБАЙ АУЫЛЫНЫҢ ОҚУШЫЛАРЫ ТАНЫМАЛ ҚАЛАМГЕРЛЕРДІ ТАҢҒАЛДЫРДЫ Печать
20.05.2019 12:00

«Jas Túrkіstan-2019» республикалық балалар шығармашылық марафонының екінші жұмыс күні Түркістан облысы, Келес ауданында жалғасты. Абай ауылындағы мәдениет үйінде өткен марафонда жергілікті мектептердің оқушылары өздері құрастырған роботтар мен машиналарын көпшілік назарына ұсынды. Өнертапқыш оқушылардың көрмесін тамашалаған Нұр-Сұлтан, Алматы қалаларынан келген қаламгерлер мен бас редакторлар жас өрендердің қадамын оң бағалап, таңданыстарын жасыра алмады. Мағыналы кездесуді Келес ауданының әкімі Ақментай Есбаев ашып берді.


«Келес ауданында  63 білім ұясында 33 мыңға жуық оқушы білім алып жатыр. Қосымша біліммен қамтылған балалар саны 12000-нан асса, қосымша үйірмелерге тартылған балалар саны 7500-ге жетті. Кезінде Тоқаш Бердияров, Зиябек Рүстемов, Немат Келімбетов, Зәкір Асабаев тағы басқа тұлғаларға тұғыр болған қасиетті Келес алдағы уақытта да ұлтын сүйетін ұландардың ордасына айналары сөзсіз. Бұл іс-шара оқушылардың дамуына, ой-өрісінің кеңеюіне оң серпін береді», – деді аудан әкімі.

Абай төріндегі кездесуге Келес, Шардара, Қазығұрт, Жетісай, Мақтаарал және Сарыағаш аудандарының оқушылары мен ұстаздары қатысты. Оларға елге танымал қаламгерлер мен БАҚ басшылары ақыл-кеңестерін айтып, түрлі сұрақтарға жауап берді. Сонымен бірге оқушыларға «Ұлан», «Ақ желкен» және «Балдырған» балалар басылымдары таратылды.

Жиында «Жас өркен» ЖШС-нің бас директоры Жүсіпбек Қорғасбек «Жапонияда сәби күтіп жүрген келіншекті кітапханаға баруға міндеттейді екен. Мақсат – баланы құрсағында жатқан кезден бастап кітап оқуға қызықтыру» десе, «Балапан» телеарнасының бас продюсері Сандуғаш Баймаханқызы телеарнада балалар мен жасөспірімдердің дүниетанымын арттыратын жобалар көбейіп келе жатқанын айтты. Ал ұлттық аударма бюросының өкілі, ақын, журналист Есей Жеңісұлы «Осындағы әрбір оқушы ертең ата-ана болады. Олар тым болмаса өздерінің ұл-қыздары сұрақ қойғанда жауап бере алатындай білімді болсыншы. Қазір әлемде төртінші индустриалдық революция жүріп жатыр. Ол не? Дамыған елдер қатарына қосылу үшін не істеу қажет? Міне, осы сұрақтарға жауап іздеу, ұлы міндеттерді орындау  – сендер сияқты өрендердің қолында» деді.

Жиында «Балдырған» журналының бас редакторы Дүйсенбек Мағлұмов, жазушы Аягүл Мантай, «Айқын» газеті бас редакторының бірінші орынбасары Серікбол Хасан және «Ұлан» газетінің бас редакторы Жадыра Нармаханова, жазушы, драматург Әлібек Байбол сынды қаламгерлер оқушылардың сұрақтарына жауап беріп, пікір алмасты. Өз өлеңдерін оқып, еркін пікір алмасқан оқушылар қаламгермен суретке түсіп, қимай қоштасты. Түрлі аудандардан келген ұстаздар мен шәкірттері осындай кездесулер жиі өтіп тұрса деген тілектерін жеткізді.

Кездесу соңында оқушыларға «Сақ» кионстудиясы түсірген «Түркістан» анимациялық фильмі көрсетілді.

Мәдениет үйіндегі кездесуден кейін қаламгерлер Келес ауданы, Қошқар ата ауылдық округіндегі «Өктемхан» шаруа қожалығының жұмысымен танысты. Жылына 60 тонна көкөніс шығаратын жылыжайда қызанақтардың кезекті түсімі жиналуға жақын тұр. Дәмі тіл үйіретін қызанақтан дәм татқан қонақтар еңбекқор Келес жұртшылығының іскерлігіне тәнті болды. «Jas Túrkіstan-2019» республикалықбалалар шығармашылық марафонын ұйымдастырған Түркістан облысы әкімдігіне ризашылықтарын білдіріп, бұл жоба дәстүрге айналатынына сенім білдірді.

Түркістан облысы Өңірлік коммуникациялар қызметі

 
Жастар және кәсіпкерлік психология жайында еңбек таныстырылды Печать
17.05.2019 15:33

Шымкент қаласы А.С.Пушкин атындағы әмбебап ғылыми кітапханасында «Менің балам – көшбасшы» кітабының тұсаукесері өтті. Бұл еңбек – кәсіпкер Г.Меңлібекованың алғаш жарық көрген жинағы. Кітапта бала тәрбиесінде осы заманғы көшбасшылық пен кәсіпкерлік қасиеттерді сіңіре отырып, бала қабілетін дамыту тақырыбы көтеріледі. Көпшілікке танымал жазушы, тарихшы М.Әбдіәкімұлы алғы сөз сөйлеп, кітаптың тұсауын шешіп берді.


Кітап авторы тұсаукесерге қатысушы оқырманға өзінің еңбегін таныстырып, қазіргі заманның ағынына қарай жаңа ілімдер үйрену құпиялары туралы семинар өткізді. Бала тәрбиесін қолға алу тақырыбында қызықты деректерге тоқталып, өзінің жеке өмірі деректерімен сабақтастыра, адамның жеке қабілеттері мен білімін ұдайы жетілдіріп отыру арқылы жастарға стимул берудің тәсілдерін әңгімеледі. Яғни, оқырмандарға бағытталған семинар мәні «баланы дамыту үшін алдымен өзіңді дамыт» дейтін жеке ұстанымына негізделді. Еңбекте кәсіпкерлік, қаржылық сауаттылық секілді экономикалық нақты тақырыптар, психология, еңбекті бағалау, қоғамтану секілді адамның өзін-өзі тану ілімдері, сонымен қатар,  нумерология сияқты абстрактілі ұғымдар қамтылған.

Айта кетсек, бұл іс-шара Елбасының «Болашаққа бағдар: Рухани жаңғыру» бағдарламалық мақаласында көтерілген «Туған жерге туыңды тік» бөлімі, кітапханалық «Атамекен» жобасы, 2019 жыл – «Жастар жылы» және А.С.Пушкин атындағы кітапхананың 120 жылдық мерейтойы аясында ұйымдастырылған.

«Қызмет - ақпарат»

 
Бет 9 , барлығы 85
 
Барлық құқықтар қорғалған.
"Қызмет" интернет басылымы.