QyzmetAqparat
Шымкент қаласы Төтенше жағдайлар департаментінің бастығы азаматтық қорғау полковнигі Нұрболат Дербисов Сыбайлас жемқорлыққа қарсы іс-қимыл бойынша Шымкент қаласы бойынша департаментінің «Антикор» алаңында тікелей эфирде сөз сөйледі. Сұқбат барысында департамент қызметкерлері тарапынан 2020 жылғы 6 айында сыбайлас жемқорлық көріністері орын алмағандығын алға тартып, бұл бағытта жеке құраммен үнемі жұмыс жүргізілетіндігін атап өтті.
Сонымен бірге, короновирус індеті кезінде ТЖ департаментінің мамандары күшейтілген режимде жұмыс атқарып, «101» және «112» шұғыл нөмірлеріне келіп түскен барлық телефон хабарламаларға ден қойылғандығын атап өтті. Пандемия кезінде қала тұрғындары үйде болуына қарамастан, тұрғын үйлерде өрт оқиғалары орын алатындығын нақтылап, өрт қауіпсіздік ережелерін сақтауды ескертті.
Тікелей эфирге өрт сөндіру қызметіне жұмысқа орналасу сұрақтары келіп түскен. Сұраққа жауап бере отырып, департамент бастығы осы салаға жұмысқа орналасу тәртібін түсіндіріп, мектеп түлектеріне «Көкшетау» техникалық институтына түсу шарттарымен де таныстырып өтті.
Бекзат Қамбаров
Азаматтық қорғау подполковнигі, Шымкент қ.ТЖД кадр саясаты бөлімінің бастығы
