
Қазақтың ұлы ақыны Абайдың 175 жылдығы аталып өтіп жатыр. Осыған байланысты, елімізде әртүрлі шаралар ұйымдастырылуда. Солардың бірі Қазақстан Республикасы Мәдениет және спорт министрлігінің Тіл саясаты комитеті тарапынан республикалық диктант жазу шарасы ұйымдастырылып өткізілді. Еліміздің барлық өңірлеріңде ұлы ақын Абайдың 175 жылдығына орай тұңғыш рет «Ұлы Абай – халық жүрегінде» тақырыбында жалпыхалықтық диктант жазылды.
Республика көлемінде өткізіліп жатқан жалпыхалықтық диктантқа Шымкент қаласы ТЖ департаментінің «В-2» тобына қатысушылары да қатысты. Диктантқа қатыса отырып, департамент қызметкерлері ұлы ақын Абай мұраларын кеңінен насихаттауға үлесін қосып, өздеріннің жазу мәдениетін пысықтады.
Диктант 145 сөзден тұрады, мәтіні Абайдың қара сөздерінен құрастырылған. Абайдың шығармашылығы бәрімізге жақсы таныс. Ол ұлы адамның еңбектері ешқашан да ұлтқа бөлінбей, ұлы шығармашылығы барлық адамзатқа тән болып қала береді.
З.Турусбекова
Шымкент қ. ТЖД ішкі және сыртқы коммуникациялар тобының бас маманы