Биыл Шымкент қаласы Әл-Фараби ауданына қарасты «Бадам» шағын ауданын (195 орам) сапалы электр жарығымен қамтамасыз етуге бюджеттен 253 млн. теңге қаралды. Бұл қаржыға «Омега Строй» ЖШС-і тарапынан 10/0,4 кВ электр желілерінің құрылыс-монтаж жұмыстары атқарылды.
Бүгінде нысан құрылысы толығымен аяқталып, тұрғындардың игілігіне берілді.Бұл туралы Шымкент қаласының әкімі Мұрат Әйтеновке 9 айда атқарылған жұмыстар туралы есеп берген Әл-Фараби ауданының әкімі Ғабит Мәуленқұлов мәлімдеді.Аудан әкімінің айтуынша, «Бадам» шағын ауданын ауыз сумен қамтамасыз етуге бюджеттен 301 миллионнан астам қаржы бөлінген. Құрылыс жұмыстарын мердігер мекеме «Сарыағаш Аман» ЖШС-і мамыр айында бастады. Нысан құрылысын жыл соңына дейін аяқтау жоспарлануда.
Сондай-ақ, 195 орамды табиғи газбен қамтуға 286,4 млн.теңге бөлу жоспарланған. Ағымдағы жылы бюджеттен 50 млн. теңге бөлінді. Құрылыс жұмыстарын мердігер мекеме «Комби Строй 1» ЖШС-і атқаруда.Сондай-ақ, «Сәуле» шағын ауданын инженерлік-инфрақұрылыммен қамтамасыз ету үшін жобалық-сметалық құжаттама әзірленуде. Осы мақсатта «МПК-ПРОЕКТ» ЖШС-імен келісім-шарт түзілген.
Айта кетейік, Әл-Фараби қаланың орталық ауданы болғандықтан ауыз су, табиғи газ және электр қуатымен қамту көрсеткіші 99,7 процентті құрап отыр.
Шымкент қаласы әкімдігінің баспасөз қызметі
Больше историй
СЫЗДЫҚ ТӨРЕНІҢ МОЛАСЫ ТАБЫЛДЫ
ШЫМКЕНТ БІЛІМ: ЖОСПАРЛАУ ЖӘНЕ БАҚЫЛАУДАҒЫ ЕҢ ҮЗДІК ТӘЖІРИБЕ
ШЫМКЕНТ: ДОМБЫРА ҮНІ КҮМБІРЛЕГЕН КҮН