QyzmetAqparat
Аудан аумағында сенбілік жұмыстары өз жалғасын тауып жатыр. Ата-бабадан қалған «Атадан мал қалғанша, тал қалсын» деген аталы сөз қалған. Осыған орай, Әл-фараби ауданы әкімі аппаратының қызметкерлері «Асанбай Асқаров» атындағы дендросаяқтың ауласына жеміс және басқада ағаштардың көшеттерін отырғызып, қаланың көркеюіне өз үлестерін қосты.
Сонымен қатар, күзгі маусым, алдағы жауын-шашын күндерді ескере отырып, Әл-Фараби ауданы бойынша ауладағы ирригациялық арықтарды және жаппай жапырақ түсу мерзімінде үйлердің аулаларында қураған жапырақ үйінділері мен ағаш бұталарын, басқа да бөгде қоқыстарды тазарту мақсатында, сенбілік жұмыстары ұйымдастырылды.
Мұның бәрі қала көркі үшін, тұрғындардың саламатты өмір салты үшін жасалып жатқанын ұғынған дұрыс. Ал, жасалып жатқан еңбекті еш етпей, тазалық пен тәртіп сақтауды ауданымыздың әрбір тұрғыны өзінің парызы мен міндеті екенін ұмытпаса игі.
