Түркістан облысы Келес ауданы Біртілек ауылдық округі аумағындағы бес елді мекен таяу арда табиғи газ желісіне қосылмақ. Қазіргі таңда елді мекендердегі газ желісі «Таскескен» газ тарату станциясына қосылып, ішкі жүйлерді тексеру үшін жоғары қысыммен табиғи газ жіберілді.
Құрылыс кезінде жіберілген ақаулар жөнделіп, құбырлар қауіпсіздік талаптарына сай қайта жабдықталды. Осылайша, Біртілек ауылдық округі аумағындағы төрт елді мекен бүгінгі таңда газға қосуға дайын. Қазір тұрғындар үйлеріне газ кіргізуге рұқсат алу үшін құжаттарын рәсімдеп жатыр.
Сондай-ақ, Жолбасшы елді мекенінде газ жүйесіне жөндеу жұмыстары жүргізілуде. Жөндеу жұмыстарымен қатар, құбырлардың қысымға шыдамдылығын тексеру жұмыстары ішінара жүргізілуде.
Ауылдық округ аумағындағы тұрғын үйлерді газ желісіне қосу бойынша тиісті құжаттарды рәсімдеу үшін Жолбасшы және Көлтоған елді мекендеріне «Бейбарыс БН құрылыс» ЖШС-і, Керегетас және Амангелді елді мекендеріне «Big Imperial Flame» ЖШС-і, Димитров және Еңбекші елді мекендеріне «Алаугаз» ЖШС-і тұрғындармен келісімшартқа жасасқан.
Leave a Reply