QyzmetAqparatКОНКУРС!
tories/11112019-6.jpg» border=»0″ />
Шымкент қаласының әкімі Е.Айтаханов Шымкент қаласын Әл-Фарабидің трактаттарында айтылатын «Қайырымды қалаға» айналдыру туралы айта бастаған еді. Сол бастаманы қолдау мақсатында қалада қазақ жерінің ойшыл даналары Әл-Фараби мен Абайға ескерткіш орнатылмақ.
Бұл жайында Шымкент қаласы әкімдігінің shymkent.gov.kz ресми сайтында конкурс жарияланды. Шымкент қаласында шығыстың ғұлама ойшылы Әбу Насыр әл-Фараби мен қазақтың Ұлы ақыны Абай Құнанбайұлына қойылуы жоспарланған ескерткіш-кешендерінің жобалық ұсыныстарына өткізілетін байқаудың ережесінде жүлде қоры 900,0 мың теңге құрайтыны көрсетілген. Әл-Фараби ескерткіші қала әкімдігі жанындағы саябақта орнатылса, Абай ескерткішін «Абай» саябағына кіре берісінен көретін боламыз.
Жобалар биылғы 20 қарашаға дейін тапсыру қажет болса, ескерткіш-кешендерінің жобалық ұсыныстарын қарау 2019 жылдың 10 желтоқсанда сағат 15:00-де Шымкент қаласы, Нұрсұлтан Назарбаев даңғылы, №10 (Шымкент қаласының әкімдігі ғимараты) мекен жайында өткізіледі.
«Қызмет-Ақпарат»
