Шымкентте қала әкімдігінің ұйымдастыруымен ҚР Тәуелсіздік күні мерекесіне орай қаланың ардагерлері мен зиялы қауым өкілдеріне құрмет көрсетіліп, бір дастарқан басына бас қосты. Мерекелі жиынға қатысқан қала әкімі Е.Айтаханов ардагерлерді тәуелсіздік мерекесімен құттықтап, бүгінгі ұрпаққа Егемендіктің қадірін насихаттауға шақырды.
tories/13122019-30.jpg» border=»0″ />
– Бүгінгі жас буын еліміздің дамыған елдер қатарына қосылу жолында еңбек ету керек. Осы орайда сіздердің ақыл-кеңестеріңіз бен насихаттарыңыздың алар орны ерекше. Тәуелсіздіктің қадірін дәріптеуден шаршамай, ертеңгі жарқын болашақ жастарға жол көрсетуден шаршамаңыздар, — деді қала басшысы.
Салтанатты жиында қаланың дамуына үлес қосқан бірқатар зиялы қауым өкілдері қала әкімінің Алғыс хатымен марапатталды. Сонымен қатар, салтанатты жиын барысында ҚР Парламенті Сенатының депутаты Н.Бекназаров, Шымкент қаласы мәслихатының хатшысы Ғ.Ташқараев сөз алып, қала ардагерлеріне жылы лебізін жеткізді. «Nur Otan» партиясы Шымкент қаласы филиалы төрағасының бірінші орынбасары Б.Нарымбетов жиылған қауымды айтулы мерекемен құттықтап, партия атынан Алғыс хатпен марапаттады.
Leave a Reply