Ұлттық бірегейлікті сақтап, мәдениетті дамытуда салт-дәстүрдің маңызы зор. Рухани құндылығымызға айналған салт-дәстүр мен әдет-ғұрыптың ұрпақтан-ұрпаққа жалғасын табуы, ұлт дамуының негізі екенін айтады.Түрлі мәдениеттоғысқан жаһандану кезеңінде ұлттық рух пен қасиетті сақтайтын салт-дәстүр мен әдет-ғұрып басты қызмет атқарады.
Әр ұлттың өзіндік болмысымен, тарихымен үндескен ұлттық құндылықтары сақталған. Ал қазақ халқы салт-дәстүрге, әдет-ғұрыпқа бай халық. Әр заманның өзіне тән салты мен дәстүрі қалыптасқан. Біз ата-бабаның домбырасының үнімен, әсем әуендерімен, жыр дастандарымен жеткізген рухани мұраға бай халықпыз.
Қазақ халқының әрбір салты мен дәстүрінің тәрбиелік мәні тереңде. Ұрпаққа адамгершілікті дәріптеу, ақыл мен білімге шақыру үлкенді сыйлау сияқты насихатымен құнды. Нәресте болып өмірге келгеннен бастап қарттық шағына дейінгі аралықта орындалатын салт – жоралары жеткілікті. Мұның бәрі адам өміріне бей – жай қарамағандығыныңкөрінісі.
23 маусым – Мемлекеттік қызметкерлер күніне орай, ҚР Мемлекеттік қызмет істері агенттігінің Шымкент қаласы бойынша департаменті және Шымкент қаласы мәдениет, тілдерді дамыту және архивтер басқармасының бастамасымен Салт-дәстүр орталығында «Дәстүрден тағылым» атты мемлекеттік қызметкерлер арасында байқау өтті.
Байқаудың мақсаты: мемлекеттік қызметшілердің әлеуетін арттырып, әрі қарай дамыту, отбасылық тәрбиенің үздік үлгілерін және отбасы тәрбиесі құндылықтарын насихаттау. Аталған іс-шараға өңірдің шығармашыл зиялы қауым өкілдері, мемлекеттік қызметкерлер, қала тұрғындары мен орталық қызметкерлері қатысты.
Байқаудың ережесі бойынша қатысушылар, «Таныстырсам өзімді», «Өнер-таусылмас азық», «Өнерліге өріс кең», «Салт-дәстүрім — қазынам» атты тақырыптардағы төрт кезеңнен өтті.
Байқау нәтижесінде Шымкент қаласы Қаратау ауданы әкімі аппаратының «Әлеуметтік қорғау, мәдени даму және мемлекеттік қызмет көрсету» бөлімінің бас инспекторы Сансызбай Айнұр Қуатжанқызы топ жарып, бірінші орынды иеленді.
Қатысушыларды ҚР Мемлекеттік қызмет істері агенттігінің Шымкент қаласы бойынша департаментінің басшысы С.Ш.Асылханұлы, Шымкент қаласы мәдениет, тілдерді дамыту және архивтер басқармасының басшысы Ш.С.Сейітханұлы мараппатап, алғыс хаттар мен жүлделерін табыстады.
Қызмет ақпарат
2000 символ
Leave a Reply