QyzmetAqparatБұл туралы қала әкімі Е.Айтахановтың қатысуымен өткен «Шымкент – Достастықтың мәдени астанасы» шаралар жоспарын пысықтау кезінде белгілі болды. «ТМД елдерінің Мәдени астанасы» атанатын келесі жыл аясында қалада өтетін мәдени шаралар тізімінде 19 маусым – «Қала күні» мерекесінде «Цитадель» кешенінің ашылу салтанаты да бар. Ол күні өтетін шаралар «Наурыз» алаңында өтетін гала концертпен аяқталатыны жоспарланған.
tories/20122019-6.jpg» border=»0″ />
Ал қазірге, «Цитадель» кешенінің құрылысы қарқынды жүруде. Оған кешегі күні қала әкімінің өзі көз жеткізіп, қазба жұмыстары жүргізіліп жатқан ескі қалашықтағы «Цитадельдегі» құрылыс жұмысын барып көрді. Құрылыс жұмыс барысын қадағалаған шаһар басшысы ескі қалашықтың құрылысы 2020 жылы өз мерзімінде аяқталуы тиіс екенін екшелеп айтты. Археологтар және құрылысшылармен болған кездесуде әкім «Ескі қала» ауданының тарихи жоспарлау құрылысын барынша сақтауды ескертті.
Бүгінде 2200 жылдық тарихы бар көне шаһарымызды айшықтайтын ескі қалашықтың құрылыс жұмыстарын «Қаржан Тау» құрылыс компаниясы жүргізуде. Мердігер Әлихан Батырханұлы келер жылы өтетін ТМД елдерінің мәдени астанасымен тұспа-тұс келген Шымкенттің 2200 жылдығында аталған нысанды сапалы әрі уақтылы тапсыру үшін бар күшін жұмылдырып жатқанын айтты.
–Бүгінде аумағы 5.03 гектарды құрайтын цитадельде 120-дан астам құрлысшылар жұмыс істеуде. Олар ауа-райының қолайсыздығына қарамастан тапсырысты уақытында орындау үшін талмай еңбек етуде. Біздің басты мақсатымыз — құрылысты сапалы орындау, сондықтан мұнда білікті мамандар жұмыс істеуде, — деді компания басшысы.
Сонымен қатар, «Цитадельдегі» археологиялық қазба жұмыстарымен 100-ге жуық маман айналысып жатыр.
