АЛДАҒЫ БЕС ЖЫЛДА 85 МЕКТЕПТІҢ ҚҰРЫЛЫСЫН ЖҮРГІЗУ ЖОСПАРЫ ӘЗІРЛЕНДІ

Бұл жөнінде Шымкент қаласының әкімі Мұрат Әйтенов Президент жанындағы ОКҚ алаңында өткен баспасөз брифингте мәлімдеді.

– Қазір қалада 7020 орындық 13 мектептің құрылысы жүргізілуде. Жыл соңына дейін 5100 орындық 8 мектептің құрылысы аяқталып, пайдалануға беріледі.Алдағы 5 жылда 63 882 орындық 85 мектептің құрылысын жүргізу бойынша арнайы жоспар әзірленді. Осының есебінен ауысымды және апатты жағдайдағы мектептер мәселесі толығымен шешіледі.

Қашықтықтан оқуды ұйымдастыру мақсатында ағымдағы 47 330 компьютер алынды. Нәтижесінде жыл басында 28 оқушыға бір компьютер келсе, қазір 4 оқушыға бір компьютер келеді.

Мемлекет басшысының тапсырмасы бойынша осы жылы мұғалімдер мен тәрбишілердіңеңбекақысы 25 пайызға көтерілді. Келесі жылы тағы 25 пайызға көбейетін болады.