Жуырда, Оңтүстік Қазақстан облысының Кәсіпкерлер палатасына «Южавтотранс» қауымдастығынан Шымкент қаласының «Тұрғын үй – коммуналдық шаруашылық, жолаушылар көлігі және автомобиль жолдары» бөлімі тарапынан орын алған, жолаушыларды автомобильмен тасымалдауды ұйымдастыру кезіндегі ҚР заң талаптарының бұзушылығы туралы шағымы келіп түсті.
Кәсіпкерлердің шағымында, жолаушыларды және багажды тұрақты автомобиль тасымалдарын ұйымдастыру келісім шарты, жолаушылар тасымалымен айналысатын мекемелердің құқықтарының бұзылып жатқандығын көрсеткен.
ОҚО Кәсіпкерлер палатасының жүргізген сараптамасынан кейін, мемлекет тарапынан кәсіпкерлік субьектілердің қызметін еркін жүргізуіне толық көлемде қолдау жасалып отырғанына қарамастан, Шымкент қаласының жергілікті атқарушы органдарымен керісінше заңда көзделмеген қосымша кедергілер белгілеп, олардың конституциялық құқықтарының бұзылуына жол берілгендігі анықталды.
Аталған мәселе бойынша Кәсіпкерлер палатасы облыстық Прокуратураға арнайы сұраныс хат жіберді. Өз кезегінде, прокуратура органдары орын алған заң бұзушылық фактісін ескере отырып, Шымкент қаласының әкімдігіне заң бұзушылықтарды жоюға және келешекте болдырмауға ұсыныс хат жіберілді.
ОҚО Кәсіпкерлер палатасының баспасөз қызметі.
Больше историй
Ұлттық құндылықтарды қалай дәріптейміз: қоғам немесе ата-ана?
ТҮРКІСТАН ӨҢІРІНДЕ ДАЛА МЫСЫҒЫ МЕКЕН ЕТЕДІ
Карс туристерге тамаша демалыс сыйлайды