Шымкент қаласындағы Адырбеков көшесінің бір бөлігі — 800 метріне жол жөндеу жұмыстары аяқталып, қолданысқа берілді. Бұл туралы Шымкент қаласы Жолаушылар көлігі және автомобиль жолдары басқармасының басшысы Ержан Жолдасов хабарлады.
Жалпы ұзындығы 3,6 шақырым көшенің жаңартылуына мемлекеттік бюджеттен 1 миллиард 600 миллион теңге бөлінген. Сондай-ақ, аталған қаражатқа жаяу жүргіншілер жолы, жол жиектемесі мен жарық қондырғылары қарастырылған.
Ж.Адырбеков көшесіндегі жол жөндеу жұмыстары 2 жыл бұрын басталған болатын. Ал мердігер компаниялар арасындағы кедергілерге байланысты нақты жұмыс жуырда ғана басталды. Сәйкесінше, Рысқұлов пен Жандосов көшелерінің аралығындағы 800 метрге 2 қабатты асфальт төселіп, пайдалануға берілді. Алдағы уақытта жол жөндеу жұмыстарының талабына сай 3-қабаты салынады. Мамандардың айтуынша, көшенің қалған жөндеу жұмыстары ұзаққа созылмайды. Сондықтан тұрғындарға алаңдауға негіз жоқ.
Айта кетейік, қазіргі таңда аталған көшеде жол құрылысын жүргізіп жатқан «Базис-К» ЖШС компаниясы жұмысты 2022 жылы толық аяқтамақ.
Шымкент қаласының Ақпараттық-коммуникациялық орталығы
More Stories
ЖАҢА ИППОДРОМҒА КЕЛІҢІЗ!
Халық-сапалы өмірге лайық!
Нұрлан Әлімбаев, журналист: «Уәде–Құдайдың екінші аты»