Жақында Оңтүстік Қазақстан облыстық сотының ұйымдастыруымен Қазақстан Республикасы Парламенті Мәжілісінің депутаттары Ш.Мырзахметов, Б.Ертаев, У.Бишімбаев және Р.Халмұрадовтың облыстық соттың судьяларымен кездесуі өтті.
Кездесуде өткен жылдың 20 қарашасында Қазақстан Судьялар одағының VІ сьезінде Елбасымыз Нұрсұлтан Әбішұлы Назарбаевтың сот реформасын дамытуға байланысты берген тапсырмалары мен ел Президентінің Қазақстан халқына «Қазақстан жолы – 2050: Бір мақсат, бір мүдде, бір болашақ» атты Жолдауындағы соттардың жұмысын жетілдіруге қатысты қойған міндеттеріне байланысты Парламент Мәжілісінің депутаттарымен пікір алысулар болды.
ОҚО сотының төрағасы Н.Шәріпов «Қазақстан Республикасының cот жүйесі мен судьялардың мәртебесі туралы» және апелляциялық сот алқасының төрағалары Б.Әметұлы мен М.Балкен «Қазақстан Республикасының Қылмыстық кодексі, Қылмыстық іс жүргізу кодексіне өзгерістер мен толықтырулар енгізу туралы» және Қазақстан Республикасының Әкімшілік құқықбұзушылық туралы кодексіне өзгерістер мен толықтырулар енгізу туралы» Заңдарының жобаларына қатысты нақты ұсыныстарын мысалдармен жеткізді.
Өз кезегінде Мәжіліс депутаттары Ш.Мырзахметов, Б.Ертаев, У.Бишімбаев және Р.Халмұрадов жоғарыда аталған заң жобаларына қатысты ой-пікірлерін ортаға салып, айтылған ұсыныстардың орынды екеніне тоқталып, оған түсіністікпен қарайтындарын білдірді.
Қабыл ДҮЙСЕНБИ, ОҚО сотының баспасөз хатшысы.
Больше историй
Ұлттық құндылықтарды қалай дәріптейміз: қоғам немесе ата-ана?
ТҮРКІСТАН ӨҢІРІНДЕ ДАЛА МЫСЫҒЫ МЕКЕН ЕТЕДІ
Карс туристерге тамаша демалыс сыйлайды