«I-komek» коммуналдық мәселелерді шешуге көмектеседі

Егер де коммуналдық мәселелер бойынша шешілмей жүрген сұрақтарыңыз болса, әлеуметтік желіге жазып шағымданудың қажеті жоқ. Себебі, бұл мәселені уақытылы шешу мақсатында Шымкент қаласы әкімдігі жанынан ашылған I-komek орталығы жұмыс істейді.

Үйдегі жарығыңыз аяқ астынан сөнсе, ойламаған жерден суыңыз тоқтап қалса, аула алдындағы қоқыстар шашылса 109- номеріне хабарласыңыз. I-komek орталығындағы операторлар мәселеңізді тез арада шешуге ықпал етеді. Барлық қызмет көрсету секторларында кеңестер беріп, тұрғындарға өз мәселелерін шешуге барынша жағдай жасап отыр. Ондағы 24 оператор өтініштерді барлық байланыс арналары бойынша тынымсыз және үздіксіз қабылдайтынын естеріңізден шығармаңыздар! 109 call-орталығы — Instagram, Facebook әлеуметтік желілері, Whatsapp мессенджері арқылы өтініштерді қабылдайды.

Естеріңізге сала кетейік, 109 қызметі тәулік бойы демалыссыз жұмыс істейді. Қаладағы барлық мәселелерге зейін салып, қадағалап Шымкент тұрғындарының барлық сұрақтарына жедел жауап беруге әзір екенін хабарлаймыз! WhatsApp: 87777109109.

Шымкент қаласының Энергетика және коммуналдық шаруашылық басқармасының фейсбук парақшасы