
Шымкент қаласының А. Асқаров атындағы Шымкент мемлекеттік дендрологиялық саябағында көп жылдық хризантема гүлдері әкелініп, саябақтың көрікті жерлеріне егілді. Дендросаябақтың «Қошқар-ата» учаскесінде санитарлық тазалық жұмыстары орындалды.
Қыр беткейдегі орылған қамыстар мен шөптерді арнайы жүк машинасына тиеп 2 мәрте сыртқа шығарылды. Темір қоршаулардың сынған тұстары қалпына келтірілді. Учаске қызметкерлері мен жұмыс тобына Еңбекті қорғау және техника қауіпсіздігінің инженері техника қауіпсіздігі, еңбекті қорғау бойынша кіріспе нұсқаулықпен таныстыру жұмыстарын жүргізді.