ҚОЛА ЖҮЛДЕ ҚАНЖЫҒАДА
Өткен аптада волейболдан жоғары лигадағы ерлер командалары арасындағы ХХХІ Қазақстан Республикасының чемпионаты аяқталды.
Түркістан қаласындағы «Olympic center» спорт кешенінде ұйымдастырылған кезекті чемпионаттың V- тур ойындарында
еліміздің ең таңдаулы волейболшылары өзара үздіктерді анықтады. Тартысты өткен чемпионатта Шымкент қаласының жігіттері қоржынға қола жүлдені салды.
Кәсіби волейболшылар арасында өткен биылғы жылдың соңғы турында жерлестеріміз алғашқы кездесуде Қызылорда облысының “Қайсар”командасымен шеберлік байқасып айқын басымдықпен жеңді.Екінші ойында Ақтөбе облысының “Алихан-Ақтөбе”командасымен кездесіп, 3:2 есебімен жеңіске жетті.
Бұдан соң алаң иелері “Тұран” командасымен болған кездесуде 3:2 есебімен түркістандық жігіттерге жол берді.
Ал,турдың соңғы күні болған кездесуде Маңғыстау облысының волейболшыларынан 3:0 басым түсті.
Жалпы қорытындыда:
1 — орын. “ Тұран” клубы. Түркістан қаласы.
2 — орын. “ Жетісу-Жастары” командасы.Талдықорған қаласы.
3- орын. “Шымкент”.Шымкент қаласы.
“БИІК-ШЫМКЕНТ” ЕЛ КУБОГЫНЫҢ ЖЕҢІМПАЗЫ!
Бұл 14-ші жеңіс. Осы уақытта футболдан әйелдер командасы арасындағы Қазақстан Республикасы Кубогының ойындары да мәреге жетті.Шымкент қаласындағы “БИІК” футбол орталығында ұйымдастырылған доп додасында “БИІК-Шымкент” клубы кезекті жеңісіне қол жеткізді. Шымкенттік арулар ел кубогы жолындағы жарыстарда қатарынан 14-рет жеңімпаз атанып отыр. Айналмалы жүйе бойынша өткен кездесулер барысында “БИІК-Шымкент” командасы шешуші ойында Ақмола облысының “Оқжетпес” клубының аруларымен алаңға шығып, 3:0 есебімен айқын басымдықпен жеңіске жетті. Жалпы, төрт кездесудің үшеуінде қарсыластарынан басым болған Түркістан облысының “Томирис- Тұран” командасы жарысты
2- орынмен аяқтады.
Ойын соңында жедел ұйымдастырылған баспасөз
мәслихатында “БИІК-Шымкент” клубының бас жаттықтырушысы Александр Семенов:
— Кубоктық бәсекенің барысы , алдағы кезде өтетін ел чемпионатында және 2023-24 жылғы УЕФА чемпиондары лигасының ойындарында күш сынайтын команда құрамын анықтауға, олардың дайындығын жан- жақты пысықтауға мүмкіндік берді. Кубоктық жарыстардың кездесулерінде команда құрамында жастардың ойнауына жағдай жасаған едік. Бұл жоспарымыз оң нәтижесін бергеніне өздеріңізде куә болдыңыздар, деді.
Қызмет ақпарат
(2000 символ)
Leave a Reply