Шымкент қаласы бойынша стационарлық көмек көрсететін 15 медициналық ұйым бар. Жалпы төсек-орын саны 3407 құрайды.
Сонымен қатар, қалада көп бейінді 4 стационар бар. Оның ішінде қалалық клиникалық ауруханасында-490 төсек орын, №2 қалалық ауруханасында-390 төсек орын, № 3 қалалық ауруханасында -210 төсек орын, қалалық балалар клиникалық ауруханасында-315 төсек орын бар. Ұлтының жарқын болашағын ойлаған мемлекет алдымен азаматтарының денсаулығына көңіл бөледі. Жалпы, «Қазақстан-2050» Стратегиясында және Елбасының басқа да Жолдауларында еліміздің алдында тұрған басты меже – әлемдегі ең дамыған 30 елдің қатарына қосылу екені атап көрсетілген. «Денсаулық» бағдарламасы осы саланың 2050 жылға дейінгі жоспарлы дамуына негіз болмақ. Мұндай стратегиялық мақсатқа қол жеткізу үшін Экономикалық ынтымақтастық және даму ұйымы елдері мен Қазақстанның дамуы арасындағы алшақтықтарды жою қажет. Осыған орай мемлекет медициналық қызметтердің сапасы мен қолжетімділігін жақсартуға, қолда бар ресурстарды ұтымды пайдалануға бағытталған ЭЫДҰ елдерінің стандарттарын кезең-кезеңімен енгізуді қамтамасыз етуі тиіс. Оның біріншісі – халық денсаулығын сақтаудың негізі ретінде қоғамдық денсаулық сақтауды дамыту. Бұл дегеніңіз – халықтың санасына денсаулықтың қадірін ұғынуды сіңіріп, аурулардың алдын алуға айрықша көңіл бөлу. Халықаралық үздік тәжірибелерге сүйенсек, медицинаны дамытудың басты жолы қоғамдық денсаулық қызметін қалыптастыру екен. Оның міндеті – санитарлық-эпидемиологиялық, экологиялық, ветеринарлық қызмет мекемелерімен бірлесе отырып, халықтың денсаулық туралы ұғымын кеңейту, тиісті кеңестер беру, саламатты өмір салтын насихаттау және осындай жүйелі жұмыстар негізінде елдің денсаулығын нығайту.
Ал екінші бағыт – медициналық-санитарлық амбулаториялық көмекті жаңғырту арқылы денсаулық сақтау қызметтерін пациенттің айналасына топтастыру. Соның аясында алғашқы медициналық көмектің әмбебаптығы артып, отбасылық дәрігерлердің рөлі күшейеді. Мысалы, бір отбасылық дәрігер сол отбасы мүшелерінің денсаулығына өмір бойы бақылау жасаған болса, онда олардың қандай аурулармен ауырғанын, қандай сырқатқа бейім екенін, ағзасының ерекшеліктері қандай екенін жақсы біледі. Демек, әйелдер мен ерлердің, балалардың созылмалы ауруларын емдеу және оңалту шаралары дер кезінде жүргізіліп, бұл да адамның тезірек сауығып, ұзақ өмір сүруіне септігін тигізері сөзсіз.
Сондай-ақ қалада 5 монопрофильді стационар да жұмыс істейді.
Шымкент жүрек орталығында-134 төсек орын, қалалық онкологиялық орталықта-231 төсек орын, Т. О. Орынбаев атындағы гипербарикалық оксигенация орталығында- 125 төсек орын, психикалық денсаулық орталығы нда– 435 төсек орын, қалалық жұқпалы аурулар ауруханасы – 360 төсек орынмен жабдықталған.
Қалада 2 босандыру стационары бар. Оның ішінде қалалық перзентханада — 162 төсек орынмен және қалалық перинаталдық орталық -165 төсек орынмен жабдықталған.
Қызмет ақпарат
(2000)
Leave a Reply