ШЫМКЕНТТІҢ КӨШЕЛЕРІНЕ ТӨРТ МЫҢ ДАНА ЖОЛ БЕЛГІСІ ОРНАТЫЛДЫ

Қала әкімінің тапсырмасына сәйкес, Шымкент қаласының қауіпсіз жол инфрақұрылымын жақсарту мақсатында тиісті жұмыстар тұрақты түрде атқарылып келеді.

Жалпы қала көлемінде 284 бағдаршам нысаны болса, ағымдағы жылы қажеттілігі бар аймақтарға қосымша 12 бағдаршам орнатылды. Сонымен қатар, қала көшелеріне жалпы 450 шақырым жол таңбалары сызылып, 4000 дана жол белгісі орнатылды. Келер жылғы жоспарға сәйкес, 15 аймаққа бағдаршам орнату жоспарлануда.

Естеріңізде болса, 2021 жылы Шымкент қаласы бойынша 200 орынға 800 «Сергек» камерасы орнатылған болатын. Биыл да қала аумағында құқық бұзуды тіркеуге арналған автоматты камералар желісін кеңейту бойынша 50 орынға 200 дана«Сергек» камерасын орнату жұмыстары жүргізілуде.

Қаламызда қауіпсіздік шаралары жыл сайын жүйелене түспек.

«Цифрлық Қазақстан» мемлекеттік бағдарламасы аясында Шымкентте цифрландырудың 5 негізгі бағыты іске асырылады: тұрғын үй-коммуналдық шаруашылық, көлік, білім беру, денсаулық сақтау, қауіпсіздік және 6 қосымша бағыт.

Айта кету керек, барлық 479 бейнебақылау камералары мен 212 зияткерлік камералар Шымкент қаласы полиция департаментінің ахуалдық орталығына біріктірілген. Сондай-ақ, қала әкімдігі мемлекеттік-жекешелік әріптестік аясында «Сергек» аппараттық кешенін орнатып, бейнебақылау камераларының саны мыңға жуықтады.

Сонымен қатар, бүгінгі таңда «Қазақттелеком» АҚ тарапынан 1 152 тұрғын үйдің кіреберісіне 2 472 камера орнатылды. «Қауіпсіз қала» жобасы аясында тұрғын үйлер ауласы да бейнебақылау камералары орнатыла бастады. Қазір тұрғындардың өзі ұрлық қылмысын болдырмау мақсатында бейнебақылауды күшейтіп, қолқанат болуда.

Қала қауіпсіздігінде түнгі жарықтандыру да маңызды. Шымкенттегі орталық 747 көшенің 220 көшесі немесе 30 пайызында жарық бар. 2021-2023 жылдары 70 пайыз көшені энергия үнемдейтін ЛЭД-шамдармен жарық жүргізіледі. Қаланың қауіпсіз бола түсу үшін тілсіз жаудан сақтану үшін де қалада 9 депоға қосымша 3 депо салынбақ. Былтыр 31 техника алынып, жабдықтау бойынша Шымкент Қазақстанда алғашқы орынға шықты.