QyzmetAqparat
Шымкент қаласында этносаралық келісімді сақтау мен нығайту, этноәлеуметтік қақтығыстардың алдын алу бойынша Еңбекші ауданының №105 жалпы орта мектебінде «Бейбітшілік пен келісім» жобасы аясында тұрғындарды қабылдау өтті. Жобаның мақсаты – этноәлеуметтік қақтығыстардың алдын алу шараларын әзірлеу, негізгі бағыттар бойынша өңірлердің проблемаларын анықтау, нақтылау және оларды шешу. Әртүрлі сала мамандары мен құқық қорғау органдарынан жасақталған топтар тұрғындар арасында 7 бағыт бойынша: «Этносаралық келісім», «Әлеуметтік және еңбек проблемаларын шешу», «Халықтың денсаулығы», «Халыққа білім беру», «Бизнес ортаны дамыту», «Конфессияаралық келісім», «Заңдылық, тәртіп және қауіпсіздік» қабылдаулар жүргізді. Жоба аясында азаматтарды қабылдап, олардың өтініштерін тыңдап, шешу жолдарын тиісті мемлекеттік органдармен бірге қарастыратын болады. Қабылдауға келген 42 азаматтың басым көпшілігі әлеуметтік көмек, жұмыспен қамту, жер, жол, инфрақұрылым мәселелері бойынша талап тілектерін жеткізді. Сонымен қатар қабылдауға келген азаматтарға әртүрлі сала мамандары жүзеге асырылып жатқан мемлекеттік бағдарламалар мен «Қуатты өңірлер – ел дамуының драйвері» ұлттық жобасы аясында жұмыс күші тапшы өңірлерге берілетін квоталар туралы кеңінен ақпараттар берілді. Жоба аясында келесі қабылдау Абай ауданының Қызылжар шағын ауданында жалғасын табатын болады. «Мәңгілік Ел» ұлттық идеясының ең маңызды құрамдас бөлігі және оның негізі – тұлғаның ұлттық идентификациясын дамытудың негізі ретінде адамның этникалық әлеуметтенуіне бағытталған этно-қалыптастырушы компоненті. Адам үнемі өзгеретін әлеуметтік ортада өмір сүріп, оның әртүрлі ықпалын сезінеді, жаңа әрекеттер мен қарым-қатынастарға қосылады. Сонымен қатар, ол әртүрлі әлеуметтік рөлдерді орындауға мәжбүр болады: мектеп оқушысы, студент және т.б. Нәтижесінде адам өзінің өмірінде жаңа әлеуметтік тәжірибеге ие болады және сонымен бірге қоршаған ортаға белгілі бір жолмен әсер етіп, әлеуметтік қарым-қатынастарды тудырады. Адамның қоғаммен өзара қарым-қатынасы «әлеуметтену» ұғымымен белгіленеді. Әлеуметтену — адамның әлеуметтік ортаға кіруі және оның мәдени, психологиялық және әлеуметтік факторларға бейімделуі.
Қызмет ақпарат
2000 символ
