Шымкент қаласындағы Әдет-ғұрып және салт-дәстүр орталығы – дәстүрді дәріптейтін мекеме!

Шымкент қаласындағы Әдет-ғұрып және салт-дәстүр орталығы 2014 жылы сол кездегі Оңтүстік Қазақстан облысы әкімдігінің қолдауымен, зиялы қауым өкілдерінің демеуімен ашыл­ған. Яғни мұндай мекеме еліміз бойынша тек Шымкентте ғана бар. Негізгі атқаратын қызметі – қазақтың салт-дәстүрін, әдет-ғұрпын, жөн-жоралғысын насихаттау, өскелең ұрпақтың бойына сіңіру, халықтың бойында ұлттық кодты қайта жаңғырту. Өйтке­ні салт-дәстүр болмаса, ол елдің болашағы бұлыңғыр, келешегі күңгірт. Тілді қалай қорғаштасақ, әдет-ғұрып, салт-сананы да дәл солай қызғыштай қоруымыз керек. Аталған орталықтың дирек­торы Бахтияр Спановтың пі­кі­рі осындай. Оның айтуынша, жер бетінде қаншама ұлт болған, бі­рақ өкінішке қарай, тағдырдың түрлі тауқыметімен көбісі тілін жоғалтып, салт-дәстүрінен айрылып, ұлттық бірегейлігін сақтай алмай басқа ұлттарға сіңіп кетті немесе саны азайып, біржолата жоғалды. Бұл ретте салт-дәстүр ор­талығының қазақи болмысымызды сақтап қалудағы пайдасы көл-көсір. Әсіресе жаһанда­ну дәуірінде өмір сүріп, түрлі идеологиялық қақтығыстар ортасында өсіп келе жатқан жастар үшін орталықтың берер пайдасы мол. Мекеме республикада жалғыз осындай ұйым болғандықтан, оған еліміздің түкпір-түкпірінен қонақтар келіп, көріп таңға­лып жатады. Әсіресе еліміздің бас қаласынан, ару Алматыдан және басқа да өңірлерден зиялы қауым өкілдері көп зиярат жасайды. Осындағы жұмыстармен танысып, ішін аралап көріп, «шіркін-ай!» десіп қайтады. Былайша айт­қанда, Оңтүстікке табан тіреген кісілердің көпшілігінің ат басын бұрып тұратын жері. Қазақтың салт-дәстүрін дәріп­теумен бірге ұлттық ойындарды насихаттау ісінде де орталық алдына жан салмай келеді. Мәсе­лен, асық ату, ақсүйек, алтыбақан, ләң­гі, тағы басқаларды айтуға бо­лады. Орталық мамандары осындай ұлттық дәстүр мен ойын­дарымыздың бар екенін халық­тың есіне салып қана қоймай, сонымен бірге, тарихшы, өлкетанушылармен бірлесіп зерттеу, зерделеу жұмыстарымен де айналысады.

Қызмет ақпарат

1763 символ

 

  • Related Posts

    ҚОШҚАР АТА СЕЙІЛІ» ЖАЛПЫХАЛЫҚТЫҚ ІС-ШАРАСЫ ҰЛТТЫҚ ДӘСТҮРДІ ҚАЙТА ЖАҢҒЫРТТЫ

    🔷 Бүгін шаһарда «Наурызнама» онкүндігі аясында «Қошқар ата сейілі» жалпыхалықтық дәстүрлі сауық-серуен іс-шарасы өтті. Қошқар ата өзені жағалауында ұйымдастырылған мерекелік іс-шарада ұлттық көрмелер, қолөнер шеберлерінің жәрмеңкелері, спорттық жарыстар және мәдени…

    Mektepmenu: ата-аналар балалары мектептегі тамағын бақылай алады

    MektepMenu қызметімен интеграция — бұлбағыттағы тағы бір қадам. Біз жаңасервис клиенттіктәжірибені жақсартуғамүмкіндік беретініне сенімдіміз жәнеата-аналарға балаларының мектепте сапалыжәне дұрыстамақтанатынына сенімділік береді«, — деді Halyk басқарма төрағасыныңорынбасары Нариман Мұқышев. MektepMenu қызметі…

    Добавить комментарий

    Ваш адрес email не будет опубликован. Обязательные поля помечены *

    Яндекс.Метрика