tories/000kuw.jpg» border=»0″ />
Облыстық жасөспірімдер кітапханасында «Рухани жаңғыру» мақаласы аясында облыстық Қазақстанның бірнеше дүркін чемпионы, жеңіл атлетикадан республикалық ойындарының жеңімпазы, қоларба би түрінен Азия чемпионы Ермек Қалымбетовтің «Өмірім мен өнеріме ғашықпын» бенефис-шоуы өтті.
Кешті ақын, Халықаралық Физули сыйлығының иегері Құрал Көмек кеш иесіне деген лебізді сөзімен ашып, жастарға үлгі болатын, өнегелі іс-шараның куәсі болатынын айтты. Кеш барысында Е.Қалымбетовтің өмірі жайлы бейнеролик көрсетілді. Әуезді әнімен, биімен танылған талантты жас «Ассалаумағалейкум», «Бағдаршам», «Аллаға шүкір» әндерін тарту етті. Сондай-ақ жүрегі би өнеріне жақын екенін айтқан Ермек әріптесі Айжан Жакулаевамен бірге «Долго», «Жаном-жаном», «The show must go on» әндеріне халықты тамсандыра биледі.
Келешек ұрпаққа мүмкіндігі шектеулі болса да, өнердегі ұстанымы шексіз, алға қойған мақсаттары жоғары, болашаққа үміті зор Е.Қалымбетовтің кеші жастарға үлгі-өнеге болғаны сөзсіз. Бейжай жүрген жастардың ой-өрісін өзгертіп, дұрыс бағыт-бағдар береді деген ойдамыз. Ермектің өнерін қолдап жүрген ата-анасы ұлына деген лебізді сөздерін айтып, өнерде жүрген достары ән шырқап кештің сәнін келтірді.
tories/0001kuw.jpg» border=»0″ />
Кеш соңында Ермек жастарға: «Негізінен биші емеспін, биге деген қызығушылық спортпен айналысып жүргенімде оянды. Бос уақыттарыңызды зая кетірмей, дендеріңіздің, тәндеріңіздің сұлу болуына жұмыс жасаңыздар» – деп, «Қимай тұрмын» әнін орындап көрерменмен қоштасты
Больше историй
ШЕТ ТІЛІНІҢ ЖҰРНАҒЫ ЖАЛҒАНҒАН КЕЙБІР АТАУЛАР ТУРАЛЫ
ӘДІЛЕТТІ ҚОҒАМ МЕН АДАЛ АЗАМАТ ҚАЛЫПТАСТЫРУДА ҚОҒАМДЫҚ БІРЛЕСТІКТЕРДІҢ МАҢЫЗЫ ЗОР!
«МІРЖАҚЫП. ОЯН, ҚАЗАҚ!» ФИЛЬМІ ЖӘНЕ АҚИҚАТ ЖЕҢІСІ