2022-08-18

Күйеуінің қолынан қаза тапты

top» colspan=»2″ />


tories/05.10.11/1-bet-Sagynai.jpg» alt=» » width=»198″ height=»151″ />
Австралияның Брисбен қаласындағы Гриффит университетінің бірінші курсында оқып жүрген 22 жастағы қазақстандық студент Сағынай Батырханованы өлтірген оның азаматтық күйеуі болып шықты. Дүйсенбі күні айыпкерге қатысты алғашқы сот тыңдауы өтті, деп мәлімдеді Қазақстан Республикасының Сыртқы істер министрлігі.
Сыртқы істер министрлігінің хабарлауынша, Австралия құрлығында жоғары оқу орнында оқып жүрген Сағынай Батырханованың мәйіті 1 қазан күні табылған. Оның өліміне күдікті ретінде С.Батырханованың азаматтық жұбайы болып табылатын таиландтық қамауға алынған. Ол кісі өлтіргенін мойнына алған. Ол бұдан бұрын зорлық жасаған үшін қылмыстық жауапқа тартылған болып шықты. Оның жазасын өтеу мерзімі әлі біткен жоқ, деп хабарлады Сыртқы істер министрлігінің ресми өкілі Асқар Әбдірахманов. 
«2011 жылдың 3 қазанында австралиялық сот Таиланд азаматы болып табылатын күдіктіні 2011 жылдың 5 желтоқсанына дейін қамауда ұстауға қаулы етті. С.Батырханова мен айыпкердің артында ортақ үш айлық ұлы қалған. Ол қазір Австралия әлеуметтік қызметінің қамқорлығында. Қазақстан консулы С.Батырханованың мәйітін елге әкелу және азаматтық некеде туылған баласының құқықтық мәртебесін анықтау үшін 3 қазан күні Австралияға келді», деп хабарлайды Қазақстан Сыртқы істер министрлігі. 
Қазақстан Сыртқы істер министрлігі және Австралиядағы Қазақстанның мүддесі бойынша қосымша жұмыс істейтін Сингапурдегі Қазақстанның елшілігі Австралияның Брисбен қаласында кісі қолынан қаза болған Сағынай Батырханованың қазасына байланысты оның отбасына көңіл айтады, сондай-ақ С.Батырханованың анасының өтініші бойынша қыздың мәйітін Қазақстанға жеткізуге көмек көрсететінін мәлімдеді. 
Қазіргі кезде Қазақстан Сыртқы істер министрлігі Қазақстан азаматтарының мүдделерін қорғау үшін барлық шараларды жасауда. Сыртқы істер ведомствосы Мәскеудегі Австралия елшілігіне осы істі жан-жақты тексеріп, біздің азаматтарымыздың мүддесін қорғауға қолдау көрсету туралы нота жіберген.

Қайыржан ТӨРЕЖАН

http://www.aikyn.kz/index.php?option=com_content&task=view&id=10232&Itemid=2

http://kyzmet-gazeti.kz/



Яндекс.Метрика