QyzmetAqparatШымкент қаласы әкімі Е.Айтахановтың өкімімен Шымкент қаласының мәдениет, тілдерді дамыту және архивтер басқармасының басшысы болып Мыңбаев Рашид Мамытұлы тағайындалған болатын. Басқарма басшысы тағайындала сала, қызметтік алғашқы қадамын мәдени нысандар жұмысымен танысудан бастады.
tories/01012020-22.jpg» border=»0″ />
Шымкент-Цирк мекемесінің жұмысымен танысқан Р.Мыңбаев цирк мекемесіне қатысты өз ойларын жеткізіп, алдағы жоспарларын нақтылауды тапсырды. Рашид Мамытұлы өнерлі ұжымның өнеріне оң бағасын беріп, жаңа жылда нық қадамдармен бұдан да жоғары деңгейге көтеруге нұсқау берді.
Ал, Шымкент сатира және әзіл-сықақ театрына соққан сәтінде театр басшылығы алдағы уақыттағы театрдың жоспарларымен бөлісті. Алға қойған мақсаттарға бірге жетіп, биік тұғырлардан көріне беруге сәттілік тіледі.
Осы орайда, басқарма басшылығына жаңадан тағайындалған Р.Мыңбаевтың өмірбаянына тоқтала кетсек. Рашид Мамытұлы 1981 жылы 11 сәуірде Оңтүстік Қазақстан облысы Бәйдібек ауданы Шаян ауылында дүниеге келген.
М.Әуезов атындағы Оңтүстік Қазақстан мемлекеттік университеті,
ҚР Президентінің жанындағы Мемлекеттік басқару академиясында білім алып, Қазтұтынушылародағының Қарағанды экономикалық университетінде
МВА Swiss Montreux Business School (SMBS) «Іскери әкімшілендіру магистрі» (Швейцариялық жоғарғы бизнес-мектебі) атанған.
Еңбек жолын 2004 жылы ҚР Әділет министрлігінің нормативтік құқықтық актілерді жүйелендіру және кодификациялау басқармасы нормативтік құқықтық актілерді кодификациялау бөлімінің жетекші маманы болып бастаған.
2006 жылы — ҚР Әділет министрлігінің заңға тәуелді актілер департаментінің заңға тәуелді актілерді сараптау басқармасының өндірістік саладағы заңға бағынысты актілерді сараптау бөлімінің бас маманы;
2007 жылы — ҚР Әділет министрлігінің заңға тәуелді актілер департаментінің заңға бағынысты актілерді сараптау басқармасы бастығының орынбасары – қорғаныс, тәртіп және сыртқы байланыстар жөніндегі актілерді сараптау бөлімінің бастығы;
2009 жылы — Қазақстан Республикасы Президентінің жанындағы Мемлекеттік басқару академиясының «Жергілікті және мемлекеттік басқару» мамандығы магистранты;
2010 жылы — Оңтүстік Қазақстан облысы әкімінің кеңесшісі –
облыс әкімдігінің Астана қаласындағы өкілі;
2013 жылы — Оңтүстік Қазақстан облысы әкімінің көмекшісі;
2016 жылы — Оңтүстік Қазақстан облысы әкімі аппараты қоғамдық қатынастар және ақпараттық технологиялар мониторингі бөлімінің басшысы;
2018 жылы — Кентау қаласы әкімінің орынбасары;
2019 жылдан бері «Казатомөнеркәсіп» ҰАК АҚ
«ОРТАЛЫҚ» Өндіруші кәсіпорны ЖШС бөлім басшысы қызметін атқарып келді.
Мыңбаев Рашид Мамытұлы 2002 жылдан бері мемлекеттік қызметтің қазанында қайнап, заң, экономика саласында тәжірибе жинаған білікті мемлекеттік қызметкер.
