QyzmetAqparat«16 Желтоқсан — Қазақстан Республикасының Тәуелсіздік күні» мерекесіне орай Ж.Шанин атындағы Шымкент қалалық академиялық қазақ драма театрында С.Досановтың «Тозақ шеңбері» атты трагедиялық қойылымын тамашалап қайттым.
«Тозақ шеңбері» трагедиясы-Желтоқсан оқиғасынан сыр шертетін қойылым. «Желтоқсан оқиғасы»-біздің қасиетті де қасіретті, қиын да күрделі тағдырымыз. Ол біздің елдігіміз бен ерлігіміздің жаңа тарихы. Ата-бабаларымыздың ғасырлар бойы қорғап, аманат еткен елді, жерді өз елінен шыққан азамат басқаруға лайық деп таппаған әміршіл жүйеге наразы болған қазақ жастары алаңға шыққан кезі еді. Бүгінгі қойылым осынау қиын кезді суреттеп, сипаттап ел назарына ұсынды.
tories/17122019-29.jpg» border=»0″ />
Желтоқсан оқиғасынан сыр шертетін С.Досановтың «Тозақ шеңбері» трагедиясы 2015 жылы Тәуелсіздіктің 25 жылдығы қарсаңында театр сахнасында алғаш көрермендерге ұсынылған болатын.
Бүгінгі қойылымды тамашалауға отбасым мен бірге барып, керемет әсерде қайттым. Қайырымды қала тұрғындарының да қарасы көп. Қойылым соңында орындарынан тік тұрып, құрмет-қошеметті жаудырды.
М.Сауранбекова
