Шымкент Аймақтық-әлеуметтік инновациялық университетінде Тәуелсіздік мерекесіне орай әрі қазақтың бас ақыны Абай Құнанбайұлының 175 жылдығына орай «Тәуелсіздік деп соғады жүрегім» атты іс-шара өтті. Биылғы Қазақстанның Өзбекстандағы жылы қорытындылануына сәйкес аталған университетте білім алатын өзбек ұлтының студенттері ұлы ақын Абайдың өлеңдерін жатқа оқып, сахналық қойылымдар қойды, Абай кейпін сомдады.
tories/17122019-33.jpg» border=»0″ />
Университет директорының тәрбие ісі жөніндегі орынбасары Н.Әбсеметов Ұлы дала елінің ұлық мерекесі — Тәуелсіздік мерекесімен шын жүректен құттықтады.
– Осындай елдік мерекенің маңызы Қазақстан мен Өзбекстан арасындағы татулықтан-ақ көрініс табары сөзсіз. Екі ел Мемлекет басшыларының арасындағы түрлі меморандумның нәтижесінде биылдың өзінде Шымкент қаласына 10 мыңға жуық студент оқуға келді. Соның біршамасы біздің оқу орнында білім алуда. Олар сабақтан тыс уақытта университетіміздің жанынан ашылған «Тіл үйрету орталығында» қазақ тілі курсын оқиды, — дейді Нұрбол Есенбайұлы.
Аймақтық-әлеуметтік инновациялық университетінің «Тіл үйрету орталығының» меңгерушісі Е.Құдайбергенов өзбек студенттері қазақ тілі курсында оқығанына небәрі үш айдың жүзі болғанымен, сахнада көрсеткен өнері, мәнерлеп оқыған өлеңіне қарап жоғарғы баға беруге болатынын айтады.
Іс-шара барысында «Көркем» дуэті «Қазағым-ай» әнімен жиналғандардың рухын дүр сілкіндірсе, М.Жұбатов, Е.Көшерлер де әнімен тербетті. «Арай» би тобы мың бұрала биледі.
Бүгінгі жиын екі ел ынтымақтастығының берік іргетасы, екі ел татулығының көрінісі әрі тұғырлы Тәуелсіздіктің заңды жемісі екені айқын.
Больше историй
ШЕТ ТІЛІНІҢ ЖҰРНАҒЫ ЖАЛҒАНҒАН КЕЙБІР АТАУЛАР ТУРАЛЫ
ӘДІЛЕТТІ ҚОҒАМ МЕН АДАЛ АЗАМАТ ҚАЛЫПТАСТЫРУДА ҚОҒАМДЫҚ БІРЛЕСТІКТЕРДІҢ МАҢЫЗЫ ЗОР!
«МІРЖАҚЫП. ОЯН, ҚАЗАҚ!» ФИЛЬМІ ЖӘНЕ АҚИҚАТ ЖЕҢІСІ