QyzmetAqparatЖүгірткен ойын жыраққа,
Бар қазақ қанық бұл атқа.
Қазақта не көп, төбе көп,
Мәртөбе жалғыз бірақ та!
tories/19122019-2.jpg» border=»0″ />
Мәртөбеге бара қалсаңыз, Бақытжан Алдияр ақынның осы бір шумағы қарсы алады. Мәртөбе кешені Шымкент қаласының Қаратау ауданына қарасты Сайрам тұрғын алабынан Қарамұрт ауылына қарай шыға беріс жолдың сол жақ бетінде орналасқан. Бұл төбе VII-XII ғасырлардағы қалашықтың орны. 20х30м өлшемді цитадель. Биіктегі 6-7 м., төбесі тегіс. Мұнда ХVІІ ғасырда билік басына келген Есім ханнан бастап, ХVІІІ ғасырдағы Тәуке хан тұсына дейін алты алаштың баласы бас қосып, билер кеңес құрған. «Есім ханның ескі жолы» және «Жеті жарғы» да осы маңда талқыға түсіп, жарияланған. «Жеті жарғыны» қабылдар сәтте қазақтың атақты би-шешендерінен 12 би, олардың қатарында үйсін Төле би, арғын Қаз дауысты Қазыбек би, алшын Әйтеке билерден өзге қатаған Жайма би, қарақалпақ Сасық би, қырғыз Көкім билер де қатынасқан. Мәртөбенің «Ұлы дала парламенті» деп аталуы да сондықтан.
