QyzmetAqparatИбраһим ата кесенесі Сайрамның солтүстік жақ бетінде, Ақсукентке қарай шығатын күре жол бойындағы қырда орналасқан. Бұл сәулет ескерткіші ХVІІ ғасырда салынып, ХХ ғасырда қайта жаңартылған. Кесене Қ.А.Яссауидің әкесі, жергілікті шайқы Ибраһим атаның моласының үстіне салынғаны белгілі. Еліміздегі ортағасырлық ең көне күмбезді кесенелерлің бірі саналады.
tories/19122019-6.jpg» border=»0″ />
Ибраһим ата ХІ ғасырдың соңы мен ХІІ ғасырдың басында ғұмыр кешкен. Өзі дін қайраткері, әрі жер өңдеушілікпен айналысқан дихан болыпты. Кесене шаршы жобада 7,2х7,2м көлемде күйдірілген кірпіштен салынған. Жол шетінде орналасқандықтан, ХХ ғасырдың 90-шы жылдары жол арнасын ауыстырып, 20 метрге жылжыту арасында кесенені бұзылудан сақтап қалған. Қаңылтырлы күмбезді порталы 2000-шы жылдары реставрацияланып, қазіргі кейпіне енген. Түркістандағы Қ.А.Яссауи кесенесіне баратын саяхатшылар алдымен осында зиярат ететіндіктен, мұнда келушілер күн санап артып келеді.
