tories/1352368148-602.jpg» width=»200″ height=»257″ alt=»1352368148-602″ style=»float: left;» />
Үкімет отырысында Премьер-Министр Серік Ахметов мал шаруашылығын дамытуда қауқарсыздық танытқан аудан әкімдерін жұмыстан босату мәселесін төтесінен қойды.
Ауыл шаруашылығы министрі Асылжан Мамытбековтің айтуынша, Қазақстанның барлық аудандары ішінде рейтинг жүргізіледі. Онда фермерлік шаруашылықтардың аналық мал басын тұқымдық түрлендірумен қамту көрсеткіші бойынша 10 үздік және 10 нашар аудан көрсетілген. Үздік 10 ауданда тұқымдық түрлендіруге 21 пайыздан 34 пайызға дейін, көрсеткіші төмен аудандарда 2 пайызға дейін мал тартылған.
Өз кезегінде Үкімет басшысы Серік Ахметов көрсеткіштері төмен 10 әкімді жұмысынан боса-ту туралы мәселені облыс әкімдерінің алдына төтесінен қойды. «Біз өткен жылы да АШМ алқа мәжілісіне мал шаруашылығымен айналысатын барлық аудан әкімдерін шақырған едік. Олардың алдына экспорттық әлеуетті дамыту мәселесі қойылған болатын. Осы екі жылда мал шаруашылығын дамытуда сапалы ілгерілеу мақсаты жүктелді Неліктен өткен 2 жылда көрсеткіші нашар 10 ауданда тиісті жұмыстар атқарылмаған?», — деп тоқталды С. Ахметов.
«Неге сіз министр ретінде осы мәселені көтермейсіз? Мен қазір бұл жайында облыс әкімдерінен сұраймын. Неге өзіндегі негізгі жұмыспен, яғни мал шаруашылығын дамытумен айналыспаған ауылдық, аудандық әкімдер жұмыстан босатылмаған… Аналық мал басын жақсарту негізгі мәселе және бұндай нәтижемен сіздер министрлік ретінде мақсатты орындай алмайсыздар ғой. Осы орайда облыс әкімдерінің алдына мәселені төтесінен қоямын, атап айтқанда көрсеткіші төмен әкімдерді (аудан әкімдерін) қызметінен босату туралы шешім шығаруы тиіс», — деп түйді Премьер-Министр.
Больше историй
ШЫМКЕНТТІК ОҚУШЫ ХАЛЫҚАРАЛЫҚ ФЕСТИВАЛЬДЕ БАС ЖҮЛДЕНІ ИЕЛЕНДІ
Город Шымкент в статусе республиканского — 5 лет!
ШЫМКЕНТ: 9, 11-СЫНЫП БІЛІМ АЛУШЫЛАРЫН ҚОРЫТЫНДЫ АТТЕСТАТТАУ ТАЛАПТАРЫ