QyzmetAqparat
Сыбайлас жемқорлық баршаны толғандырады. Жылдан-жылға дамып келе жатқан бұл «аурудың» қанат жаюына жол бермеу керек. Оған ешкімге де немкетті қарауға болмайды. Оның түбінде жақсылыққа апарып соқтырмайтынын әркім түсінуге тиіс. Яғни, пара беру де, пара алу да пайдалы болмайтындай, үлкен қылмыс ретінде саналатындай жағдай, қоғамдық сана қалыптасуы қажет.
Кез-келген өркениетті қоғам үшін сыбайлас жемқорлықпен күрес ең өзекті сұрақтардың бірі болып табылады. Сондықтан да Қазақстан Республикасының мемлекеттік саясатының негізгі басымдылықтарының бірі осы зұлымдықпен күресу.
Бұл кесел дамыған басқа елдердей біздің жас мемлекетімізге де айтарлықтай өз зардабын келтіруде. Осы орайда бір жағадан бас, бір жеңнен қол шығарып, бұл қоғам дертімен бірлесіп күресуіміз қажет. Ал, ол үшін әрбір Қазақстан Республикасының азаматы сыбайлас жемқорлыққа жол бермеуге міндетті. Сыбайлас жемқорлықпен пәрменді күресу үшін халықтың құқықтық сауаттылығын арттыратын, түсіндіру жұмысының деңгейі мен сапасын арттырудың маңызы зор. Осы орайда Шымкент қаласындағы Өрт сөндіру және авариялық-құтқару жұмыстары қызметінде арнайы мамандардың қатысуымен жемқорлыққа қарсы күресті насихаттайтын түсіндірме жұмыстары жиі өткізілуде.
Біліп, танып, оның дұрыс емес екендігі кеңінен насихатталғаннан кейін ғана ол індеттен құтылу мүмкін болады. Сондықтан да барша қазақстандықтарды сыбайлас жемқорлық атты қоғам індетімен күресуге шақырамын!
А. Алтынбеков
Зерттеу өрт-сынақ зертханасының бастығы, азаматтық қорғау полковнигі
Фото интернеттен
