2023-02-09

Шымкент қысқа дайын

Spread the love
Шымкент жылу беру маусымына жүз пайыз дайын. Қыста қалалықтар  жаурамайды деп сендірген жауаптылары қала әкімі Мұрат Әйтеновтың жиынына тыңғылықты дайындықпен келді. Жиында қыс маусымына дайындық жұмыстары барысы баяндалды.
Жалпы саны 18 жылу қазандығы түгел дайын және қаламызда көмір қоры жеткілікті.
Инфрақұрылымдық жүйелер дайындығы, оның ішінде Игілік, Жиделі, Сайрам тұрғын алаптарында сапалы электр қуатымен қамту мақсатында бірқатар жұмыстары, сонымен қатар «КазТрансГаз Аймақ» АҚ тарапынан газ қысымымен өлшеу жұмыстары, және де «Су ресурстары — Маркетинг» ЖШС-не қарасты су құбырларын қайта жаңарту жұмыстары толық орындалғанын басқарма басшысы Б. Булатбеков баяндады.
Сала мамандары тарапынан көпқабатты тұрғын үйлердің дайындық жұмыстарын тексеру барысында;  Еңбекші ауданына қарасты «Теріскей» шағын ауданында екі тұрғын үйде;
Әл-Фараби ауданына қарасты Ғ.Илеяв көшесінде бір және Түркістан көшесінде де бір тұрғын үйде дайындық жұмыстары мүлдем жүргізілмегендігі анықталғандығын атап өтті.
Жиын соңында қала әкімі, сала басшылары мен мамандарына жедел түрде аталған аудандардағы кемшіліктер бойынша және жекеменшік электр қуатын тарататын кәсіпкерлердің қысқа дайындығын анықтау бойынша комиссиялық топ құруды, тапсырмалардың орындалу барысын жүйелі түрде баяндап отыруды басқарма басшысына тапсырды.
Яндекс.Метрика