Пайдалануға берілген аулаларда су жаңа балалар ойын элементтері, бастырма, орындықтар, қоқыс жәшіктері қойылған. Сондай-ақ, Түркістан көшесі 2/3 үйінің ауласындағы спорт алаңы ағымдағы жөндеуден өтті.
«Жалпы ағымдағы жылы ауданымызда «Халық қатысатын бюджет» бағдарламасы аясында 50 балалар алаңшасы және 9 спорт алаңшасын орнату жоспарланған. Одан бөлек, 9 спорт алаңшасында ағымдағы жөндеу жұмыстары жүргізілуде. Жаз мезгілінде 28 аула абаттандырылса, бүгінде 22-і қолдануға берілуде»,- деді аудан әкімі.
Жаңа аулалардың лентасын қиюға қаламыздың халық қалаулылары және зиялы қауым өкілдері қатысты.Өткен жылы ауданда 15 ойын алаңшасы пайдалануға берілген. Оның 7 -і тұрғындардың ұсынысы бойынша салынған. Биыл 32 ойын алаңын қолданысқа беру көзделіп отыр.
Ал, 2023 жылы 23 балалар ойын алаңшасын пайдалануға беру жоспарлануда. Нәтижесінде үш секторға кіретін 15 шағынаудан 100 пайыз ойын алаңшасымен қамтылады. Аталған секторларда биыл 3 жаңа спорт алаңы салынады. Сондай-ақ, 5 алаңшаға жөндеу жүргізіледі. 2023 жылы 5 спорт алаңшасын орнату кезделіп отыр.
30 жылдан ауласында балалар алаңшасы болмаған Шымкент қаласындағы көпқабатты үйлердің аулаларына балалар алаңшасын салу қолға алынды. Тіпті есік алдындағы аяқ бүгіп отыратын орындықтар да қирап кеткен. Енді міне есіктің алды жайнап тұр. Бүлдіршіндер тұрмақ қариялардың қуанышында шек жоқ. Айтар алғысымыз шексіз, деді қала әкімімен жүздескен тұрғындар.
Leave a Reply