QyzmetAqparat
Шымкент қаласының Абай ауданында 59 тойхана қызметін уақытша тоқтатты. Бұл туралы Шымкент қаласы ақпараттық-коммуникациялық орталығында 30-шы наурызда өткен брифингте Абай ауданының әкімі Бұхарбай Парманов хабарлады.
Аудан басшысы 12 ірі сауда орталығы, Шымкент әуежайы мен «Самал», «Бекжан» базарларының және 1 мал базары мен 2 автокөлік базарының, 59 тойхананың, 31 моншаның жұмысы тоқтағанын айтты. Спикер шағынаудандар мен тұрғын алаптарда 10 шағын базар мен 1054 азық-түлік дүкені күнделікті жұмыс істеп тұрғанын, сондай-ақ, бақылау шараларының күшейтілгенін де жеткізді.
Аудандағы 252 қоғамдық тамақтандыру орындарына қажетті залалсыздардыру құралдары орнатылып жатқанын айтқан Б.Парманов тиісті талаптарды ескермеген нысандардың қызметіне шектеу қойылатынын хабарлады.
Шымкент қаласының төтенше жағдай жөніндегі штабы
