«Жуан және жіңішке айтылатын сөздер»

   Сабақтың тақырыбы :  Жуан және жіңішке айтылатын сөздер

                                            Білім 42 – 44 жаттығу 

   Сабақтың мақсаты :

Білімділігі : Оқушының білімге деген құлшынысын аттыру . Сөздік қорын молайту. Байланыстырып сөйлеу дағдысын қалыптастыру . Жуан және жіңішке айтылатын сөздер жайлы білімін пысықтау .

Дамытушылығы : Танымдық және шығармашылық қабілеттерін дамыта оқыту. Өзіндік жұмыстарды орындау дағдысын қалыптастыру.

Тәрбиелік : Тиянақтылыққа , табиғатты аялауға, сауатты жазуға тәрбиелеу.

   Сабақтың түрі : жаңа білім беру.

   Сабақтың әдісі : сұрақ – жауап ,

   Пәнаралық байланыс : дүниетану, математика.

   Сабақтың көрнекілігі : сызбалар, ойын

   Сабақтың барысы :

   І. Ұйымдастыру.

   ІІ . Үй тапсырмасын тексері.

   ІІІ . Ой қозғау. Жұмбақ шешу.

   ІV. Жаңа сабақ.

   І. Ұйымдастыру

   Әрбір адам – туысым, досым, жұрағат,

   Әрбір сабақ – үйрену, білу, ұлағат .

   Әрбір ісім – тірлік, тірек адамдық,

   Әрбір сөзім – шындық, бірлік, адамдық. 

   ІІ. Үй тапсырмасын сұрау.

—        Жылыжай дегеніміз не ?

—        Көкөністерге нелер жатады ?

—        Көкөністердің қандай пайдасы бар ?

—         «У»дыбысы қай уақытта дауысты, қай уақытта дауыссыз болады? Мысал келтір. 

       Ойын «Кім жылдам?»

       ІІІ. Ой қозғау. Жұмбақ шешу.

1.   Ақыл – ойдың шырағы,

Зәулім көктей шынары.

Биігіне бойлаған,

Қанбайды адам құмары .       (Мектеп)

1.   Білімнен сол сый – асы,

Балғындардың ұясы.        (Ұстаз)

1.   Қабат – қабат қаттама,

Ақылың болса аттама.     (Кітап)

1.   Білімнің нәрін тереді,

Балаларға тәлім береді.    (Білім)

ІV. Жаңа сабақ. Білім өлеңін оқу.

—        Автор туралы. Өтебай Тұрманжанов. (1905-1978) Оңтүстік Қазақстан облыс, Бөген ауданы, Жалғыз ағаш деген ауылында туған. Елуге тарта кітап шығарды. Балаларға арналған көптеген өлең – тақпақ, ертегі, әңгіме, повесть, мысал, дастандар жазды.

         Өлеңді мәнерлеп оқып, мағынасын ашу.

—        Оқушыларға тізбектеп оқыту.

—        Сұрақтарға жауап беру.

—        Әр сөзде неше дауысты дыбыс бар?

—        Олар қалай естіледі. Жуан ба, жіңішке ме?

—        Жуан және жіңішке сөздер дегеніміз не? 

V. Ойын «Үндемес».

 Сөз жуан болса, 1 – рет шапалақтау керек. Сөз жіңішке естілсе, 2 – рет шапалақтау керек. 

VІ. Сергіту сәті .

Оқу, құрал, дәптер ал,

Сабаққа керек ол құрал.

Досындай сенің күн күліп,

Жаныңда тұрсын керегің. 

VІІ. Дәптермен жұмыс.

Көркем жазу.

43 – жаттығу. Мақалды көшіру. Жуан айтылатын сөздерді сыздыру.

44 – жаттығу. «Өз үйшігіңді тап» ойыны. 

Төрт түлік малдар.                   Аңдар.                     Құстар.

 Сөздерді оқып, жуан не, жіңішке екендігін айтады және оларды үйшіктерге орналастырады. Қызыл кітапқа енген аң – құстарды айту.

VІІІ. «Не үйрендік, не білдік?»

1. Жуан дауысты дыбыстарды ата.
2. Жіңішке дауысты дыбыстарды ата.
3. Дыбыстар нешеге бөлінеді?

ІХ. Сабақты қорытындылау.

 Х. Оқушыларды бағалау.