Кадет қозғалысы қарқынды дамып келеді

Өз қатарына балаларды көбірек тарту арқылы Шымкент қаласында кадет қозғалысы қарқынды дамып келеді. Қазіргі уақытта қаланың 10-нан астам мектебінде кадет сыныптары жұмыс істейді. Шымкент қаласының Полиция департаменті Жергілікті полиция қызметі басқармасының Кәмелетке толмағандар ісі жөніндегі инспекторлары оқушылармен тәлімгерлік жұмыстар жүргізіп, оларды өз қызметімен таныстырады, Отанға деген сүйіспеншілік пен патриоттық сезімін оятады.

tories/05122019-6.jpg» border=»0″ />

Полиция қызметкерлерінің кадеттермен кездесуі жақсы дәстүрге айналды. Олардың бірі жақында №45 мектеп-гимназиясында өтті. Шымкент қаласының Полиция департаменті Жергілікті полиция қызметі басқармасының Кәмелетке толмағандар ісі жөніндегі инспекторы полиция майоры Алиева Әсия кадет сыныбындағы балалармен кезекті рет кездесу өткізді. Асияның қызметі 7.30-да басталып, 19.30-да №45 мектеп-гимназиясының жанында аяқталады, ол жерде балалар мен тұрғындарға жолдан қауіпсіз өтуге көмектеседі.

Кездесу барысында балалар тәртіп сақшыларының күндері қала тұрғындарының тыныштығын қамтамасыз етумен өтетіндігі туралы білді. Сонымен қатар, балалар өздерін патрульдердің рөлінде сезіне алды. Балалар мен қыздар құқық қорғау органдарының киімдерін киіп, қызметтік көлік құралымен танысты. Кадет сыныптарында балаларды азаматтық-патриоттық тәрбиелеуге ерекше көңіл бөлінеді. Жалпы білім беретін пәндерден басқа, оқушылар саптық және дене шынықтыру дайындығымен айналысады, құқықтық сабақтарға қатысып, алғашқы көмек көрсету дағдыларын шыңдайды. Кадеттер жас қозғалыс инспекторларының қырларын меңгереді.

— Форма балаларды тәртіпті болуға және құрдастарына үлгі болуға міндеттейді. Ал кадеттерге салтанатты түрде ант беру таңдалған жолдың маңыздылығын сезінуге мүмкіндік береді. Менің ойымша, кадет білімі жан-жақты тұлғаны тәрбиелеуге ықпал етеді және жастайынан бастап адамға өз іс-әрекеттері үшін жауапкершілік сезімін оятады. Сонымен қатар, балалармен кәсіби бағдар беру жұмыстары жүргізіледі. Олар ішкі істер органдарының профилактикалық акцияларына белсенді қатысады. Болашақта біздің жас көмекшілеріміз нағыз полиция қызметкері бола алады. Бізде лайықты ауысым өсуде – дейді Әсия.

Шымкент қаласы ПД-нің Баспасөз қызметі