QyzmetAqparat«Шымкент қалалық мәдениет үйі» концерттік ұйымы» МКҚК концерт залында «16 Желтоқсан — Қазақстан Республикасының Тәуелсіздік күні» мерекесіне орай «Ел бақытын тербеткен — Тәуелсіздік!» атты салтанатты жиын өтті.
tories/17122019-15.jpg» border=»0″ />
Халқымызға ғасырлар бойы арман болған тәуелсіздік, егемендік ұстанымдарын биікке көтеретін бұл күн — біздің Отанымыздың әрбір азаматы үшін қастерлі мереке. Бұл мереке күнтізбеде «Қазақстан Республикасының мемлекеттік тәуелсіздігі» туралы Конституциялық Заңының 1991 жылы 16-желтоқсанда қабылдауына байланысты жылда аталып өтеді.
Салтанатты кеш шымылдығы «Жұлдыздар» вокалды тобы және «Жас ұлан» мектебінің ұландарының орындауындағы «Біз – Отанның ұланымыз» әнімен ашылды. Шымкент қаласы әкімі Е.Айтаханов құттықтау сөз сөйлеп, Шымкент қаласында еңбегі елеулі бірқатар азаматтарды марапаттады. Мерекелік кеш қонақтары Қазақстан Республикасының Еңбек сіңірген қайраткері М.Арапбаева және Президент оркестрінің солисті О.Алтынбеков әннен шашу шашты. Шымкент қаласының өнерпаздары мен «Шымкент қалалық мәдениет үйі» концерттік ұйымы әншілері және «Шаттық», «Шамсинұр», «Айгөйлек» би ансамблі, сонымен қатар «Мейір» балет, «Көркем гимнастика» мектебінің тәрбиеленушілері өнер көрсетіп, мерекенің шырайын келтірді. Салтанатты кеш соңы Қазақстан Республикасының Еңбек сіңірген қайраткері М.Арапбаеваның «Қазақ елі осындай» әні шырқалып, қазақ рухы биікте шарықтады.
