Сырғыма

Сырғыма – ауырлық күшінің ықпалымен өзендер мен көлдер, теңіздердің тік жағалауларынан, таулар мен сайлардың жыраларынан топырақ массасы мен тау жыныстарының төмен қарай тайғанап ығысуы (сырғанауы). Көбінесе жыралардың сумен шайылуы, оның мол жауын-шашынмен шектен тыс ылғалдануы, жер сілкіну немесе адамның іс-әрекеті (жарылыс жұмыстары және т.б.) болып табылады. Сырғыманың сырғуының ең көп жылдамдығы жер сілкіну кезінде байқалады.

Қысқы кезеңнің басталуына орай, қарқынды жауын-шашынның түсуінен топырақ бетінің терең ылғалдануы байқалуы мүмкін. Және ол сырғыма жағдайын ушықтырып, тұрғын үйлер мен өндірістік ғимараттардың, инженерлік және жол құрылымдарының, магистральді құбырлар мен электр тасымалдау желілерінің қирап және құлауына, сондай-ақ адамдардың зақымданып және мерт болуына әкеліп соғуы мүмкін.

«Қазселденқорғау» ММ Оңтүстік аумақтық-пайдалану басқармасы