2022-08-18

«Қазақы ген» немесе шыбық мініп шапқылаған бала

top: 8px; padding-right: 0px; padding-bottom: 0px; padding-left: 0px; border-style: initial; border-color: initial; font-style: inherit; font-size: 13px; font-family: Arial, Verdana; vertical-align: baseline; text-align: justify; line-height: 20px; border-width: 0px; margin: 0px;» />

top: 0px; margin-right: 0px; margin-bottom: 10px; margin-left: 0px; border-style: initial; border-color: initial; font-style: inherit; font-size: 13px; font-family: inherit; vertical-align: baseline; text-align: justify; border-width: 0px; padding: 0px;»>
alt
Қалай десек те, біз жетімін жылатпаған ел едік. Мүсіркеп маңдайынан сипайтынбыз. Көзге шұқып таба қылмайтынбыз. Салық қылып бетіне баспайтынбыз. Қарайласып, қамқор болатынбыз. Мұның бәрі өткен күннің өрнектері-тұғын…
Бұл күндері басыбүтін басқамыз. Өң мен түстің арасындағыдай өзгеріп кеттік. Өзімізді өзіміз танымаймыз. Қазір көкірегі қарс айырылған жетімді жұбатпақ түгілі жат қолына жетектетіп жіберуден де тайынбайтын болдық. Қорғансыздарға қарасады-ау деген заңдарымыз да қауқарсыз. Тым солқылдақтау. Жаттың ығына жығылуға бейім. Жетім баланың мүддесі сол «жетім» күйінде қалумен келеді. «Өзіміз өлмеспіз, өзге тыныш болсын» деген қасаң қағида түбегейлі өзгермейінше қазақтың басына берекелі күннің орнауы екіталай-ау…

top: 0px; margin-right: 0px; margin-bottom: 10px; margin-left: 0px; border-style: initial; border-color: initial; font-style: inherit; font-size: 13px; font-family: inherit; vertical-align: baseline; text-align: justify; border-width: 0px; padding: 0px;»>
Тәуелсіздіктің таңы атқан жиырма жылдың ішінде он мыңға тарта бүлдіршінге Отанынан орын табылмай, әлдекімдер әкетіпті. Қарамай сатып төртінші орынға табан тіресек, бала саудалап үшінші орынға көтеріліппіз. Деректер осылай ділмәрсиді. Сәбиін саудалап, баласын базарға шығарған біздің елдің мына тірлігінен жақын түгілі жаттың өзі түңілетін шығар.
Тумай жатып әке-шешеден тұл қалған мұңлықтардың дені мұхит асып жатыр. Яғни, асырап алушылары – азуын айға білеген ала тулы Америка елі. Сондай бір жаңа «әке-шешенің» қолына келіп түскен қарадомалақ бір түрлі мінез шығара бастапты. Үйіліп-төгіліп жатқан үлде мен бүлде. Ас та төк жағдай. Анау-мынау кісі шетелден адам сатып алмайды ғой… Баршылық екен. Не ішемін, не киемін деген мәселе олардың күн тәртібіне өмірі шығып көрмепті. Алайда қарадомалақ бұлардың біріне де пысқырып қарамайтын көрінеді. Есік алдына шығып кетіп, бір шыбық тауып алады да екі бұтының арасына қыстырып, ат қылып шаба жөнеледі екен. Сол кездегі баланың бал-бұл жанған жүзін көрсеңіз. Құдды бір қазанаттың үстінде қалықтап бара жатқандай кейіпте болады екен. Ол сәтті суреттеу біз түгілі даңқы жер жарған дарынды суретшілердің де қолынан келмейтін сияқты ғой. Мұнысына таңғалған жаңа қожайындар кейіннен тағы бір мәрте Қазақстанға келгендерінде әлгі жайтты әңгімелеп беріпті деседі. Мұнысын естіген көп бауырларымыздың ет жүректері елжіреп, көздеріне жас іркіліпті. Алғаш естігенде менің де көз алдыма моншақ шықтар еріксіз үйіріле беріп еді…
Міне, саған ген. Міне, саған қайсар қазақтың қаны. Біздің жұртты жылқының жалынан жаралған халық деп бекер айтпаса керек. Жөргектен белі шықпай жатып жер асып кетсе де, жылқыға деген махаббатын жоймаған жұрт екенбіз. Тілі ағылшынша шыққан сол баланың бойында қазақтың қаны тулайды. Ол тар қабырғаларға сыймай кеңістікті керексінеді. Кең даласын аңсайды. Ал, біз келіп орыс боламыз дейміз, орман боламыз дейміз. Ағылшын ба, қытай ма? Кімге еліктейтінімізді өзіміз де ұқпаймыз… Қойшы әйтеуір қазақ болудан қашқақтаймыз. Қай бір жылдары «асқан» тақуалығымызға айран-асыр таң-тамаша болған араб азаматы айтқан екен: «Әй, қазақтар-ай, қанша тыраштанғандарыңмен сендер араб бола алмайсыңдар ғой…» деп. Сол айтпақшы біз қазақ болып қала береміз. Өйткені ата-бабамыздан беріліп келе жатқан бір түйір қан о баста осылай «программаланған» екен. Оны бұзу оңай шаруа емес. Бірақ күн өткен сайын иммундық жүйесі мен иманы әлсіреп бара жатқан ұлтымыздың асыл қасиеттері азайып бара жатқандай көрінеді. Сізге қалай?

top: 0px; margin-right: 0px; margin-bottom: 10px; margin-left: 0px; border-style: initial; border-color: initial; font-style: inherit; font-size: 13px; font-family: inherit; vertical-align: baseline; text-align: right; border-width: 0px; padding: 0px;»>Амангелді Алдоңғарұлы{jcomments on}

http://nurastana.kz/?p=2926

http://kyzmet-gazeti.kz/

top: 0px; margin-right: 0px; margin-bottom: 10px; margin-left: 0px; border-style: initial; border-color: initial; font-style: inherit; font-size: 13px; font-family: inherit; vertical-align: baseline; text-align: right; border-width: 0px; padding: 0px;»>

Яндекс.Метрика