Шілде айында Италияның Ауронцо-ди-Кадоре қаласында жасөспірімдер мен жастар арасында каноэ және ескек есуден әлем чемпионаты аяқталып, жүлдегерлердің есімдері белгілі болған-ды.
Әлемдік додада Қазақстан құрамасы сапында өнер көрсеткен шымкенттік Руфина Искакова 23 жасқа дейінгі жастар арасында С-1 санатында 5000 метрлік сайыстатағы көрсеткіші 30:18.59 секунд. Осы көрсеткіш жерлесімізді әлем чемпионы атандырды. Осы сайыста молдавиялық Елена Глизан күміс жүлдеге ие болса, Иран мемлекетінің намысын қорғаған Хадие Хейрабади үздік үштікті түйіндеді.
Руфина 1000 метрлік қашықтықта күміс медаль иегері атанды. Биылғы жылы жазғы спартакиаданың алтын медалін иеленген бас бапкер Ольга Подойникованың шәкірттері осындай әлемді мойындатқан үлкен жетістіктерге қол жеткізіп отыр.
Жалпы биылғы әлем чемпионатына, жер шарының әр қиырынан 65 мемлекеттен » Сен тұр, мен атайын!»- деген аталған спорт түрінен әлемнің үздік 938 спортшысы қатысты. Өмірлерінің бәрі сумен байланысты мұхиттың ортасында өмір сүретін қаншама елдер бар. Сол мемлекеттерден келген спортшыларды басып озған Руфинаның жетістігін ерлікпен пара — пар десе де болғандай.
Осы әлемдік бәсекеде ескек есудің Отаны саналатын Венгрия спортшылары 20- дан астам жаттығуда алтын медаль алыпты.
Руфина елге қайтқан күні Шымкент қаласындағы әуежайдың күнделікті тіршілігіне қан жүгіріп, ерекше салтанатқа бөленді. Елінің намысын әлем чемпионатында асқақтатып, алтын медаль иегері атанған Руфина Искакованы жерлестері құшағын гүлге толтырып қарсы алды. Спортшының қуанышына ортақтасқан жанкүйерлермен бірге, қалалық мәслихаттың төрағасы Бахадыр Нарымбетов, қалалық ескек есу және каноэ федерациясының президенті Нұрғазы Бұхарбаев,қалалық дене шынықтыру және спорт басқармасы басшысының орынбасары Ермек Дәрменов, талантты спортшыны тәрбиелеген Ләззат Тәжиева атындағы олимпиада резервін дайындайтын спорт мектебінің директоры Бақытжан Жақсығұлов бастаған мектеп ұжымы,ескек есу және каноэ спортының бапкерлері болды. Ал, Руфинаның ата-анасы мен бауырларының қуанышында шек болған жоқ.
Чемпион қызымызға Азия ойындары мен Париж олимпиадасында жеңістің биігінен көріне бер дегіміз келеді.
Қызмет ақпарат
1916 символ
Leave a Reply