Шымкенттік дәрігерлердің сырқаттарды емдеуде тағы бір мүмкіндігі артты. Қалалық денсаулық сақтау басқармасының қолдауымен алғаш рет қаладағы клиникалық балалар ауруханасында оториноларингология бөлімшесі ашылды.
Енді құлақ мұрын ауруларын емдеуде жергілікті ақ халаттылар бұрынғыдай науқастарды Астана мен Алматы қаласына жібермей ақ өздері сауықтыра алады. Оториноларингология бөлімшесі 20 төсек орынға лайықталған. Мұнда дәрігерлер құлақ, тамақ, мұрында кездесетін ауру түрлеріне диагностикалық тексерулер жасап, толық емдеу жұмыстарын жүргізеді.
Соның арқасында дәрігерлер бұрынғыдай лор аурулары бар науқастарды Астана мен Алматы қаласына жібермей ақ өздері ота жасауда. Дәрігерлердің сөзінше, құлақ мұрын ауруына шалдыққан науқастардың басым бөлігі операцияны қажет етеді екен. Мәселен, соңғы бір айдың ішінде бөлімшеде емделіп шыққан науқастардың 90 пайызына дәрігерлдер ота жасаған.
“Құлақ мұрын ауруларына шалдыққан науқастар санының артуына және қала тұрғындарының сұранысы бойынша бөлімшені аштық. Сондай-ақ ота жасау үшін науқастарды қала арасында сабылтпай-ақ, ыңғайлы болу үшін күрделі оталарды құлақ мұрын ауруына енді қалалық клиникалық балалар ауруханасының өзінде жасай аламыз. Біз үшін ең бастысы сапалы медициналық көмек көрсетіп, халық саулығын жақсарту”-дейді қалалық клиникалық балалар ауруханасының бас дәрігері Динара Жумадилова.
“Көптеген ота түрін жасаймыз. Атап айтқанда, Септопластика, Вазотомия, Конхотомия, Мұрын қабыршықтарының оталары, Мұрын сүйектерінің репозициясы, Ринопластика, Эндоскопиялық оталар , Құлақ ауруларының оталары, тонзиллэктомия, аденоэктомия,эндоскопиялық, дакриоцисториностомия,увулопалатофарингопластика (қорылдауды кетіретін )
және де өзге күрделі ота жасаймыз”- дейді қалалық клиникалық балалар ауруханасының лор дәрігері Ерубай Мақсат.
Айта кетейік, құлақ мұрын аурларына дер кезінде диагноз қойып, оны емдеуде ауруханада қажетті жабдықтардың барлығы орнатылған. Емдеу мекемесінде операция жасауға арналған операциялық микрохирургиялық микроскопы, ЛОР комбайны сияқты барлық қажетті жабдықтар бар. Бөлімшеде дәрігерлер шұғыл және жоспарлы түрде емделетін науқастарды қабылдайды.
Leave a Reply