Күні кеше Шымкент қалалық оқушылар сарайында «Zangar group» өнер орталығы шығармашылық есеп беру шарасын өткізді.
2021 жылдан бастап ел Президенті Қ.К.Тоқаевтың тапсырмасымен мемлекеттік спорт және шығармашылық тапсырыстарды жан басына шаққандағы нормативтік қаржыландыру аясында Артспорт бағдарламасы құрылған болатын. Аталған жоба аз уақыттың ішінде бүкіл Қазақтан бойынша тез тарап, қаншама ата ана ұл қыздарын қалауы бойынша түрлі үйірмелерге, секцияларға тегін қатыстыруға мүмкіндік алды. Қаншама балалар соның арқасында бос уақытын тиімді өткізуде. Шынымды айтсам, өзімнің екі ұлым осы бағдарлама аясында ТАЭКВОНДО және грек-рим күресіне тұрақты қатысуда.
КЕШЕГІ КОНЦЕРТКЕ АРНАЙЫ ҚОНАҚ БОЛЫП БАРЫП МЕН НЕНІ БАЙҚАДЫМ?
Бала жанарындағы жалын, көкірегіндегі көңіл, қуанышындағы қалыңдық, жүгірісіндегі жүйріктік, ынтасындағы ынтықтық, жауапкершілігіндегі жуандық!
Ал ата ананың қуанышында шек жоқ, бәрі өз балалары, немерелерінің үлкен сахнада өнер көрсетіп жатқанына дән риза. Барлығы бақытты! Акт залындағы жайлы аура адамды бірден баурап алады.
Аталған өнер орталығының құрылғанына бір жылдан енді асып, осы кезге дейін би үйірмесіне қатысып жатқан жеткіншектер қалалық шараларға қатысып, республикалық, халықаралық байқау фестивальдерінде жүлделі орындар иеленген екен. Кешегі концертте түрлі жанрда 15 би композициясы орындалып, көрермен көңілі көкке шалқыды. Өнер орталығында сурет салу бағыты бойынша да үйірме бар. Дарынды балақайлардың өз қолдарымен салған суреттері фойеде арнайы көрме болып жасақталғанын айтпай кетпеуге болмайды. 150-ден аса дарынды бала осы орталықта өздерін өнер жолында қалыптастыруда.
САУЛЕ мөлтек ауданы халқының басым бөлігі ауылды жерлерден көшіп келген және қандас бауырлар екені бәрімізге аян. Балалары осындай мүмкіндік алып, менталдығында ерекшелігі бар қандас бауырларымыздың жергілікті халық арасына сіңіп, оңай адаптация жасалуына бірден бір құрал деп те түсінем.
Осындай игі істердің жүріп жатқаны мемлекетке сенімді арттырып, ұлт болашағы жастарға жігер беретіні сөзсіз.
Ата ана ретінде бірінші ел Президентіне, сала министрліктеріне, жергілікті атқарушы билік өкілдеріне, Шымкент қалалық мәслихатқа және осында орталықты ұйымдастырыр,жүргізіп отырған «Zangar group» өнер орталығының басшылығына ондағы дарынды педагогтарға алғыс айтқым келеді.
Қызмет ақпарат автор Данияр Ордабаевтан
(2000 символ)
Leave a Reply