12 мамыр дүниежүзілік мейіргерлер күні мерекесіне орай Шымкент қаласы денсаулық сақтау басқармасының ұйымдастыруымен дәстүрлі байқау өтті.
Жоғары медицина колледжінде өткен сайыста «Мейірбике ісінің үздігі» қалалық кәсіптік сайыс «Ең үздік фельдшер», «Ең үздік стационар мейіргері», «Ең үздік акушер», «Ең үздік лаборант», «Ең үздік патронаж мейіргер» номинациялары бойынша үздіктер анықталды. Аталған сайысқа 17 медицина ұйымдарынан жалпы 39 медицина қызметкерлердің өтініштері қабылданды. Сайыстын қорытындысы бойынша 5 номинациядан ең үздік маман иегерлері анықталды:
«Ең үздік фельдшер» — Шакиров Канат Маханбеткулович, Жедел медициналық жәрдем көрсету станциясының №6 бекетiнің фельдшері;
«Ең үздік стационар мейіргерi» — Куралбаева Гаухар Ергешовна, №1 Қалалық клиникалық аурухананың мейіргері;
«Ең үздік акушер» — Танен Гаухар Қасымбекқызы, Қалалық перинаталдық орталығының акушері;
«Ең үздік лаборант» — Хопобаева Гульмира Мухаметхалиевна, Қалалық клиникалық балалар ауруханасының зертханашысы;
«Ең үздік патронаж мейіргері» — Тайшабарова Бибигуль Серикбаевна, №3 Қалалық емхананың патронаж мейіргері. Сондай-ақ мереке қарсаңында «Мейіргер ісінің дамуының жаңа форматы: жетістіктер мен проблемалар» атты конференция өтті.
Айта кетейік, денсаулық сақтау саласы қызметкерлерінің басым бөлігін мейіргерлер құрайды. Бүгінгі таңда Шымкент қаласының медициналық ұйымдарында 10000 астам орта буын медицина қызметкетрлері еңбек етеді. Шымкент қаласының денсаулық сақтау басқармасының ұйымдастыруымен Халықаралық мейірбикелер күніне орай мерекелік шара өтті. Салтанатты жиында денсаулық сақтау саласына ерекше үлес қосқан бірқатар қызметкерлер құрмет төрінен көрінді. Төл мерекені атап өтуге жиналғандарды қалалық денсаулық сақтау басқармасының басшысы Асылбеков Нұрлыбек Абибуллаұлы құттықтады. Салтанатты жиында басқарма басшысы медициналық қызметтің тиімділігі мен сапасы негізінен мейіргерлер қызметіне байланысты екенін және олардың қызметі адам жанына үміт сыйлайтынын айтты. Мұнан соң еңбегімен еленген бірқатар сала қызметкерлерін марапаттады.
Қызмет ақпарат
1859 символ
Leave a Reply