Шымкент қаласында 6 психологиялық-медициналық-педагогикалық консультация (бұдан әрі – ПМПК ) және 6 психологиялық-педагогикалық түзету кабинеті (бұдан әрі — ППТК) бар. Оның ішінде 2022 жылы 1 ПМПК, 1 ППТК ашылды. Сонымен қатар, Шымкент қаласының білім басқармасына қарасты «Ерекше білім беру қажеттілігі бар балаларды қолдау орталығы» ашылды.
Қазіргі уақытта қаланың 6 психологиялық-медициналық-педагогикалық консультациясында ерекше білім берілуіне қажеттілігі бар 10162 бала есепте тұр.
Қазіргі уақытта қалада 143 мектепте ерекше білім берілуіне қажеттілігі бар балалар үшін жағдай жасалған, техникалық қолжетімділікпен жабдықталған (пандустар, тактильді жолдар, санитарлық бөлмелер және т. б.) (100%)
Қаланың 88 жалпы білім беретін мектебінде 829 бала инклюзивті білім алады, сондай-ақ 7 жалпы білім беретін мектепте 60 арнайы сыныптарда 499 оқушы оқиды.
Сондай-ақ Шымкент қаласында 5 арнайы мектеп-интернат жұмыс істейді (2 есту қабілеті бұзылған балалар үшін, 1 көру қабілеті бұзылған балалар үшін
2), онда 838 бала оқиды. Есту қабілеті бұзылған интернаттың көптеген түлектері қала колледждерінде бағдарламашы, тігінші мамандығы бойынша оқуын жалғастыруда.
51 мектепке дейінгі мекемеде 1705 бала логопедтік көмек түрінде психологиялық-педагогикалық сүйемелдеуді, сондай-ақ 67 жалпы білім беретін мектепте 2409 бала логопедтік көмек алады.
Сонымен қатар, 122 логопункт кабинеттері, қосымша 46 логопед штат бірліктері, 126 мектеп жанынан медиация кабинеті ашылды.
Қаладағы жалпы 5 арнайы мектеп-интернеттың 3 ғимаратқа ағымдағы жөндеуден (11 079,0 мың тг.), 1 ғимаратқа күрделі жөндеуден (63 009,0 мың тг.), 1 ғимаратқа ЖСҚ (8 257,0 мың тг.) дайындалып, 12 250, мың тг. қаржыға материалдық-базасын нығайтылды.
Шымкент қаласында жұмыс істейді:
1 №5 жалпы білім беретін мектеп базасындағы ресурстық орталық;
1 ресурстық кабинет «әділ Бұлақ»қоғамдық қорының қолдауымен №130 жалпы білім беретін мектепте ашылды;
Мектептерде инклюзияны қолдау бойынша 3 кабинет жұмыс істейді — №19, №12, №37, «Болашақ» қоғамдық қорының қолдауымен ашылды.
Инклюзивті білім беру мәселелерінде де мүдделі мемлекеттік органдармен, сондай-ақ үкіметтік емес сектормен: «Дара», «Болашақ», «әділ Бұлақ» , «Болат Өтемұратов Қоры» Қоғамдық қорларымен және т. б. тығыз өзара іс-қимыл жолға қойылған.
Шымкент қаласының білім басқармасы ЕҚТА бар балалардың өмір сүру сапасын жақсарту бойынша жұмыстарды жалғастыруда.
Leave a Reply