Қазіргі уақытта Шымкент қаласында «Оңтүстік» айналма жолының құрылысы жүргізіліп жатыр. Құрылыс көлемі «Ленгір тас жолынан» бастап, КХ-15 (Алтынтөбе тұрғын алабы маңындағы Арыс қаласы бағытына шығатын жол) облыстық маңызы бар автожолына дейінгі жаңа жобаны қамтиды.
Ұзындығы 16 шақырымды құрайтын жолдың құрылысы 2021-2022 жылдарға жоспарланған. Жауапты мердігер мекеме – «Корпорация Береке-А» ЖШС. Қазіргі таңда аталған нысанның Шымкент-Ташкент жолымен қиылысатын бөлігінде жолайырық, яғни көпір құрылысы салынуда.
Осы көпірдің құрылыс-монтаж жұмыстарымен танысу үшін қала әкімі М.Әйтенов арнайы ат басын бұрды. Аралау барысында әкім жұмыстың сапасына назар аударды. Сонымен бірге, мердігер мекемеге жұмыста қолданылатын құрылыс материалдары, қазақстандық өнім болғаны жөн екенін ескертті.
Жалпы, 16 шақырымның 3 бөлігінде жолдың негізін дайындау жұмыстары қолға алынған. Қазір көпір өткелінің құрылысы, жол жабынының жер қазу жұмыстары атқарылып жатыр. Бекітілген өндірістік кестеге сәйкес, биыл жолайрық құрылысы, байланыс, электр, газ, сыртқы сумен қамту жүйелерінің орнын ауыстыру және жол құрылысы жұмыстары жоспарланған.
«Оңтүстік» айналма жолының құрылысы келесі жылы аяқталса, қала ішіндегі магистральді көшелердің көлік нөпірі біршама азайып, кептеліс мәселесіне оң әсер етпек.
Больше историй
СТРОИТЕЛЬСТВО АЭС ДАСТ ИМПУЛЬС РАЗВИТИЮ БИЗНЕСА — РАИМБЕК БАТАЛОВ
САУАЛНАМА ҚАНША АДАМНЫҢ АЭС САЛУДЫ ҚОЛДАЙТЫНЫН КӨРСЕТТІ
Ұлттық құндылықтарды қалай дәріптейміз: қоғам немесе ата-ана?